گفتوگۆی مەسعوود بارزانی و نێردراوی تایبەتی پووتین لەبارەی کوردی سووریا

سەرۆکی پارتی دیمۆکراتی کوردستان سەبارەت بە دوایین گۆڕانکارییەکانی ناوچەکە بە تایبەت دۆخی کوردەکانی سووریا لە گەڵ نێردراوی تایبەتی پووتین دیداری کرد.

 بە ڕاپۆرتی ئاژانسی هەواڵی مێهر, لە سەلاحەددین  مەسعود بارزانی پێشوازی لە میخاییل بۆگدانۆڤ نوێنەری تایبەتی سەرۆكی ڕووسیا بۆ كاروباری ڕۆژهەڵاتی ناوەڕاست و ئەفریقا و جێگری وەزیری دەروەی ڕووسیا و شاندێكی یاوەری كرد.

ئەو شاندە  پێكهاتبوو لە ماكسیم ماكسیمۆڤ باڵوێزی ڕووسیا لە عێراق و ئۆلێگ لێڤین كونسوڵی گشتیی ڕووسیا لە هەولێر و ژمارەیەك لە دیپلۆماتكار و بەرپرسانی كۆمپانیای گازپڕۆمی ڕووسیایی.

لە دیدارەكەدا نوێنەری تایبەتی سەرۆكی ڕووسیا وێڕای جەخت كردنەوە لە پەیوەندییە مێژووییەكانی گەلی ڕووسیا و گەلی كوردستان و ڕۆڵی خانەوادەی بارزانی لەو پەیوەندییەدا،  بارزانیشی وەك دۆستێكی مەزنی گەلی ڕووسیا وەسف كرد.

نوێنەری تایبەتی سەرۆكی ڕووسیا بۆ كاروباری ڕۆژهەڵاتی ناوەڕاست و ئەفریقا پێزانینیشی بۆ سەقامگیری و پێگەی هەرێمی كوردستان لە ناوچەی ڕۆژهەڵاتی ناوەڕاست هەبوو و ویستی وڵاتەكەیشی بۆ پەرەپێدانی پەیوەندیی نێوان هەردوولا نیشان دا.

هەر لەو كۆبوونەوەیەدا بارزانی سوپاسی ڤیلادێمیر پووتین و وەزیری دەرەوەی ڕووسیای كرد و هەورەها سوپاسی هەڵوێستی حكوومەت و كۆمپانیاكانی ڕووسیای كرد كە لە ڕۆژانی سەخت و تەنگانەدا لەبەرانبەر هەرێمی كوردستان هەڵوێستی ئیجابی و بەرزیان نواندووە.

بارزانی ئاماژەی بە پەیوەندی و دۆستایەتیی دێرینی نێوان هەردوو گەلی كوردستان و ڕووسیا كرد و بە پێویستیشی زانی ئەو پەیوەندییانە قووڵتر و فراوانتر بكرێن.

لە بەشێكی تری ئەو دانیشتنە بارزانی نیگەرانییەكانی خۆی لەمەڕ ئاییندەی گەلی كورد لە سووریا بە نوێنەری تایبەتی سەرۆكی ڕووسیا گەیاند و بۆچوون و پێشنیارەكانی خۆی بۆ چارەسەركردنی كێشەی گەلی كورد لە سووریا خستەڕوو.

بارودۆخی سیاسی و دواپێشهاتەكانی ناوچەكە و هەڕەشەی هزری توندڕۆیی و تیرۆر و مەترسییەكانی بەهێزبوونەوەی تیرۆریستانی داعش تەوەری تری ئەو كۆبوونەوەیە بوون.

News Code 30770

نیشانەکان

بۆچوونی ئێوە

You are replying to: .
  • 3 + 15 =