وتەبێژی وەزارەتی دەرەوەی ئێران بۆ ترامپ: تۆ کابارەچیت

وتەبێژی وەزارەتی دەرەوەی ئێران وتی: من سەرم سووڕ نەما کە ترامپ هەڕەشەی پێکانی ٥٢ شوێنی کرد؛ سەرۆک کۆمارێک کە بەس دەزانێت کابارەیی قسە بکات کەی دەزانێت باس لە سەر فەرهەنگ و شوناسی نەتەوەییەوە بکات؟

بە راپۆرتی ئاژانسی هەواڵی مێهر، سەید عەباس مووسەوی وەزارەتی دەرەوە لە کۆبوونەوەی هاوبیری پاسەوانی لە ناوەندە فەرهەنگی و میراتە هاوبەشە مرۆییەکان کە پێش نیوەڕۆی ئەمرۆ دووشەممە لە ناوەندی کۆبوونەوەکانی کتێبخانەی نەتەوەیی بەڕێوە چوو، وتی: هەر ئەو جۆرە کە هەر کەسێک بە شوناسی خۆیەوە دەناسرێت، نەتەوەکانیش بە پێی شوناسی نەتەوەیی لە بواری جیهانی دەناسرێن.

ناوبراو زیادی کرد: دەوڵەتەکانیش لە بواری نێودەوڵەتی کارگەلێک دەکەن کە لە شوناس و ئایدۆلۆژیای ئەوانەوە سەرچووە دەگرێت. ئەگەر دەبینین کۆماری ئیسلامی ئێران پێشنیاری گفتوگۆی نەتەوەکان، جیهانی بە دوور لە توندوتیژی و ئاشتی و پێوەندی باش لە گەڵ دراوسێکانی دەدات، لە شوناسی ئێرانییەوە سەرچاوە دەگرێت.

وتەبێژی وەزارەتی دەرەوە وتیشی: من سەرم سووڕنەما کە ترامپ بە پێکانی ٥٢ شوێن دانی ناوە. وڵاتێک کە یەک لەسەر بیستی مێژووی ئێرانی هەیە و سەرۆک کۆمارەکەی بەس ئەدەبیاتی کابارەداری دەزانێت چ پێوەندیەکی بە قسە کردن لە سەر فەرهەنگ و شوناسی نەتەوەییەوە هەیە؟

مووسەوی درێژەی دا: دیپلۆماسی کۆماری ئیسلامی ئێران لە سەر شوناسی نەتەوەیی و مێژووییە.

News Code 30725

نیشانەکان

بۆچوونی ئێوە

You are replying to: .
  • 1 + 6 =