ئەڵمانیا مەشق کردن بە پێشمەرگەی هەرێمی کوردستانی دەست پێکردەوە

سوپای ئەڵمانیا ڕایگەیاند هێزە چەکدارەکانی ئەو وڵاتە مەشق و ڕاهێنان بە هێزەکانی پێشمەرگەیان دەست پێکردووەتەوە، پاش ئەو سێ هەفتەیە کە ڕاگیرابوو.

بە ڕاپۆرتی ئاژانسی هەواڵی مێهر، وەزارەتی بەرگریی ئەڵمانیا ڕایگەیاند ڕاوێژکارە سەربازییەکانی ئەو وڵاتە لە هەرێمی کوردستان مەشق و ڕاهێنان بە هێزە کوردەکانیان دەست پێکردووەتەوە.

وەزارەتی بەرگریی ئەڵمانیا وتی: فەرماندەی هێزە هاوپەیمانەکان ڕاگرتنی ڕاهێنانی هێزە سەربازییەکانی هەڵوەشاندووەتەوە. ڕاگرتنی مەشق کردن بە هێزە عێراقییەکان دوای گۆڕانکارییەکانی ئەو وڵاتە بە هۆی هێرشەکانی ئەمریکا بۆ سەر بنکەکانی حەشدی شەعبی و تیرۆری سەردار سولەیمانی ڕووی دا.

بە وتەی وەزارەتی بەرگریی ئەڵمانیا دەست پێکردنەوەی ڕاهێنان بە هێزە عێراقییەکان تەنیا لە هەرێمی کوردستانە و هێشتا فەرمانێکیان بۆ ناوچەکانی تری عێراق بەدەست نەگەیشتووە.

وەزارەتی بەرگریی ئەڵمانیا ڕاشیگەیاندووە ۹۰ هێزی سەربازیی ئەو وڵاتە لە هەرێمی کوردستان مەشق کردن بە هێزی پێشمەرگەیان دەست پێکردووەتەوە.

News Code 30723

نیشانەکان

بۆچوونی ئێوە

You are replying to: .
  • 4 + 3 =