ئێران پشتی سووریا بەر نادات

سەرۆکی مەجلیسی ئێران وتی: لێدوانەکانی ترامپ بە ڕوونی نیشان دەدا کە ئەوان تەنیا بە دوای نەوتی سووریاوەن و ئەوە بۆ وڵاتێک کە ئیدعای زلهێزی جیهان دەکات، مایەی شەرمەزارییە.

بە ڕاپۆرتی ئاژانسی هەواڵی مێهر، عەلی لاریجانی سەرۆکی مەجلیسی شۆڕای ئیسلامی لە دیداری تاقمێک لە سەرۆک عەشیرەکانی سووریا، بە ئاماژە بە ڕۆڵی دیاریکەری عەشیرەکانی سووریا لە سەقامگیری و پاوەجێی ئەو وڵاتەدا، وتی: ڕۆڵی سووریا لە چەند دەیەی ڕابردوو لە ڕەوتی بەرخۆداندا زۆر کاریگەر بووە، بە تایبەت لە دۆخێکدا کە هەندێک لە وڵاتان نایەوێ ئەو وڵاتە لە ئارامی و ئاسایشدا بێت.

سەرۆکی دەزگای یاسادانەری لە درێژەدا بە ئاماژە بە کاریگەری دزێو و نەگریسی تیرۆریستان لە ناوچەی ئەدلەب و زەروورەتی چارەسەری بە پەلەی، ڕایگەیاند: ئەمریکا ئێستا ڕۆڵێکی دزێو دەگێڕێت لە سووریادا و لێدوانەکانی ترامپ بە باشی نیشان دەدات کە ئەوان تەنیا بە دوای نەوتی سووریاوەن و ئەوە بۆ وڵاتێک کە ئیدعای زلهێزی جیهان دەکات، مایەی شەرمەزارییە.

لاریجانی دانوستانەکانی ئێران، تورکیا و ڕووسیای لە چوارچێوەی دانوستانەکانی ئاستانە زۆر کاریگەر وەسف کرد و وتیشی: لە ئێستادا پرسی دەستوور لە داهاتووی سووریادا ڕۆڵێکی گرینگی هەیە دەبێ لە لایەن گەلی سووریاوە تۆمار و پەسند بکرێت.

سەرۆکی مەجلیسی ئێران بە ئاماژە بە دزێوبوونی هەوڵی هەندێک لە وڵاتان بۆ مەرجدانانی لە بەردەم ئاوەدان کردنەوە و پاڵپشتی کردنی سووریا، ڕاشیگەیاند: کۆماری ئیسلامی ئێران دژی هەر جۆرە هەنگاوێکە کە بیەوێ تەواوەتی سەزەوینی سووریا بباتە ژێر پرسیار و لە شەڕی دژی تیرۆریزم و ئاوەدان کردنەوەی سووریا پاڵپشتی لێ دەکات.

News Code 30075

نیشانەکان

بۆچوونی ئێوە

You are replying to: .
  • 9 + 5 =