٩١٠ کیلۆگرام مادەی هۆشبەر لە کوردستان دۆزرایەوە

سەرۆکی پۆلیسی بەرەنگار بوونەوەی مادەی هۆشبەری پارێزگای کوردستان لە دۆزینەوەی ٩١٠ کیلۆگرام جۆرەکانی مادەی هۆشبەر لە ٩ مانگی ڕابردوو لە ئەو پارێزگایە هەواڵی دا و وتی: ئەو ڕێژە دۆزینەوە لە چاو ماوەی هاوشێوەی ساڵی ڕابردوو سەدا ٣٧ زیادی کردووە.

بە ڕاپۆرتی ئاژانسی هەواڵی مێهر، سەرهەنگ فەرامەرز شاکری ڕایگەیاند: بە پێی ناڕەزایەتییەکانی خەڵک لە بوونی خووگر لە شارەکان و بە هەماهەنگی بەرپرسانی داد، گەڵاڵەی کۆ کردنەوە، ڕێکخستن و پاک کردنەوەی شوێنی کۆبوونەوەکانیان، خرایە دەستووری کاری پۆلیسی مادە هۆشبەرەکانەوە.

ناوبرو زیادی کرد: لە ئەو هەڵمەتەدا رۆژی ڕابردوو لە ئاستی پارێزگا ٢٢ وردە فرۆش دەستگیر و ڕادەستی دەسەڵاتی داد کران.

سەرۆکی پۆلیسی بەرەنگار بوونەوەی مادە هۆشبەرەکانی پارێزگای کوردستان وتیشی: لە درێژەی بەڕێوە بردنی ئەو گەڵاڵەیە تا ئێستا ٤٣ خووگر لە سنە نێردراونەتە کەمپەکانی تەرکی خووگری و هەروەها ٢٦ کیلۆگرام هەموو جۆرە مادەی هۆشبەر کە زۆربەیان سونەتی بوون لێیان دۆزرایەوە و دەستی بە سەردا گیرا.

ناوبراو ڕاشیگەیاند کە ئەو گەڵاڵە تا کۆتایی ساڵ درێژەی دەبێت.

News Code 29997

نیشانەکان

بۆچوونی ئێوە

You are replying to: .
  • captcha