پەرەدان بە ئیسلامی داعشی ستراتژیای ئەمریکا و زایۆنییەکانە

سکرتێری ئەنجومەنی باڵای ئاسایشی نیشتمانی وتی: پەرەدان بە ئیسلامی داعشی لە ستراتژییەکانی ئەمریکا و ڕژیمی زایۆنی بۆ پەرەدان بە ئیسلام تۆقێنەری و ئاژاوەنانەوە، شەڕ و قەیران لە وڵاتانی ئیسلامی ناوچەیە.

بە ڕاپۆرتی ئاژانسی هەواڵی مێهر، دەریاوان عەلی شەمخانی نوێنەری رێبەری باڵا و سکرتێری ئەنجومەنی باڵای ئاسایشی نیشتمانی لە دیداری محەمەد عەلی وەتەن زادە سکرتێری ئاسایشی نیشتمانی تاجیکستان و وەفدی یاوەری کە بۆ بەشداری لە دووهەمین کۆبوونەوەی ئاسایشی ناوچەیی تایبەت بە پرسی ئەفغانستان سەردانی تارانی کردووە، وێرای ئاماژە بە هاوبەشییە فەرهەنگی، ئیتنیکی، ئایینی و زمانیی ئێران و تاجیکستان، جەختی کرد کە هیچ تەنگەژەیەک لە بەردەم گەشەی پەیوەندی و هاوکاریگەلی دوو قۆڵیدا بە تایبەت لە بواری بەرەنگاربوونی مەترسیی سەرهەڵدانی دووبارەی داعشدا نییە.

شەمخانی باشترین و کارامەترین رێگەی بەرەنگاربوونەوەی بیروهزری توندئاژۆیی و تەکفیریی، ناسین و پەرەدان بە ئیسلامی ڕاستەقینەی ڕەحمانی زانی و ڕایگەیاند: پەرەدان بە ئیسلامی داعشی لە ستراتژییەکانی ئەمریکا و ڕژیمی زایۆنی بۆ پەرەدان بە ئیسلام تۆقێنەری و ئاژاوەنانەوە، شەڕ و قەیران لە وڵاتانی ئیسلامی ناوچەیە.

لەو دیدارەدا محەمەد عەلی وەتەن زادە، سکرتێری ئاسایشی نیشتمانی تاجیکستان وێرای ئاماژە بە سنوورە هاوبەشەکانی ئەفغانستان و تاجیکستان و گرینگ وەسف کردنی تەرخاندانی مژاری دووهەمین کۆبوونەوەی ئاسایشی ناوچەیی بە پرسی ئەفغانستان، وتی: نائەمنی ئەفغانستان کاریگەری لە سەر نائەمنی تاجیکستانیش دەبێ و نابێ بێڵێن گرووپگەلی تیرۆریستی توندئاژۆ لە ژێر ناوی ئیسلام، وڵاتی ئەفغانستان نائەمن و ناسەقامگیر و ناوچەکە تووشی ململانیی ئەمنیی بکەن.

News Code 29908

نیشانەکان

بۆچوونی ئێوە

You are replying to: .
  • captcha