تەقینەوەی ئەستێرەیەکی کلک‌دار تۆمار کرا

توێژەران وێنەیان لە ڕەوتی تەقینەوەی ئەستێرەیەکی کلک‌دار هەڵگڕتەوە، ئەو ڕەوتە ٢٠ رۆژی خایاند و لە ئەنجامیدا ٢،٢ ملیۆن پۆند تەپ‌وتۆز و سەهۆڵ بڵاو بۆوە.

بە ڕاپۆرتی ئاژانسی هەواڵی مێهر بە گێڕانەوە لە دەیلی مەیل، ماگیلەی هەسارەدۆزی ناسا (TESS) بە تەواوی و وردبینانە ڕەوتی تەقینەوەی ئەستێرەیەکی کلک‌داری تۆمار کرد.

ئەو مانگیلەیە کاتی تەقینەوەی سەهۆڵ و تەپ‌تۆزی ئەستێرەی کلک‌داری ۴۶P/Wirtanen لە ساڵی ٢٠١٨دا تۆمار کردووە کە لە کاتی تۆمار کراندا مەودای لە گەڵ زەوی گەیشتبووە کەمترین ئاستی مومکینی خۆی.

ئەو تەقینەوەیە ٢٠ رۆژی خایاند و لە ئەنجامیدا ٢.٢ ملیۆن پۆند تە‌پ‌وتۆز و سەهۆڵی لێ بڵاوبۆوە. ناسا بە یارمەتی کۆمەڵێک لە وێنەکان، تایم لێپسێکی لەو ڕووداوە تایبەتە ئامادە کردووە.

تۆنی فارنهام توێژەری باڵای ئەو پڕۆژەیە لەوبارەیەوە ڕایگەیاند: لە ماوەی ٢٠ رۆژدا وێنەگەلێکی جۆارجۆر لە ڕەوتە تۆمار کرا و ئێمە توانیمان گۆڕانکاری لە ئاستی دەرەوشاوەییەکان بە ئاسانی لێک دەینەوە و ئەگەرچی ناکرێت کاتی دروستی تەقینەوەی ئەستێرەیەکی کلک‌دار پێشبینی بکرێت، بەڵام ئێمە توانیمان ئەو ڕووداوە بە تەواوی تۆمار بکەین.

News Code 29751

نیشانەکان

بۆچوونی ئێوە

You are replying to: .
  • 3 + 2 =