ئەمڕۆ ماتەمینی گشتی لە کوردستان ڕاگەیێندرا

پارێزگاری کوردستان بە هۆی کوژران و بریندار بوونی ژمارەیەک لە خەڵکی کوردستان لە ڕووداوی تەقینەوەی گاز لە ئاهەنگی بووک گواستنەوەی سەقز، ئەمڕۆ هەینی بە ماتەمینی گشتی ڕاگەیاند.

بە ڕاپۆرتی ئاژانسی هەواڵی مێهر، بەهمەن موراد نیا، شەوی ڕابردوو لە پەیامێکدا بە هۆی ڕووداوی دڵتەزێنی گیان لە دەستدانی ۱۱ کەس لە هاووڵاتیانی شاری سەقز، سەرەخۆشی لە خەڵکی کوردستان و بنەماڵەی بەرکەوتووانی ئەم ڕووداوە کرد.
لەو پەیامەدا پارێزگاری کوردستان ئەمرۆ هەینی ۱۵ی سەرماوەزی بە ماتەمینی گشتی لە هەموو پارێزگا ڕاگەیاند.  
داواشی لە هەموو نەخۆشخانە و ناوەندە دەرمانییەکانی کوردستان کردووە کە بۆ چارەسەری نەخۆشەکان ئەوپەڕی هەوڵ بدەن.
هەروەها موراد نیا بە ناوەندە پەیوەندیدارەکانی ڕاگەیاندووە کە ئەم ڕووداوە و هۆکارەکانی بە وردی لێکبدرێتەوە.  

News Code 29695

نیشانەکان

بۆچوونی ئێوە

You are replying to: .
  • 2 + 3 =