نوێترین هەڵوێستی عەمار حەکیم لەبارەی سەرۆک وەزیرانی داهاتووی عێراق

سەرۆکی ڕەوتی حیکمەی نیشتمانی عێراق وتی: دەوڵەتی داهاتوو کاتییە و لە پێناو ئامادەکاری بۆ بەڕێوەچوونی هەڵبژاردنی پێشوەخت هەوڵ دەدات.

بە ڕاپۆرتی ئاژانسی هەواڵی مێهر بە گێرانەوە لە "المسله"، عەمار حەکیم سەرۆکی ڕەوتی حیکمەی نیشتمانی لە دیداری برۆنۆ ئوبرێت بالوێزی فەڕەنسا لە عێراق وتی: دەوڵەتی داهاتوو کاتییە و لە پێناو ئامادەکاری بۆ بەڕێوەچوونی هەڵبژاردنی پێشوەخت هەوڵ دەدات.

وتیشی: ئێمە گۆرانکارییەکانی ئەم دواییەی وڵات و خۆپیشاندانەکانمان لێک داوەتەوە. گرووپگەلی سیاسی بە دوای پەلەکاری لە ناساندنی سەرۆک وەزیرانی نوێن؛ کە قبووڵی هەمووان بێت و پێوەرەکانی توانست و لێهاتوویی بۆ ئیدارەی وڵات هەبێت.

شایانی باسە لەو دیدارەدا گفتوگۆ لە سەر ڕاپۆرتی ئەم دواییەی ڕێکخراوی نەتەوە یەکگرتووەکان لەبارەی عێراق و هەروەها پەیوەندییە دوو لایەنەکانی نێوان عێراق و فەڕەنسا و زەروورەتی تۆکمەی ئەو پەیوەندیانە بە چەشنێک کە لە بەرژەوەندیی دوو وڵات بێت، کرا.

هەروەها باڵوێزی فەڕەنسا جەختی لە داکۆکیی وڵاتەکەی لە بەغدا لە پێناو سەقامگیری و پاراستنی ئاشتی‌خوازانەی خۆپیشاندانەکان و بەرەنگاربوونەوەی ئاستەنەگانی قۆناغی دواتری عێراق کرد.

News Code 29683

نیشانەکان

بۆچوونی ئێوە

You are replying to: .
  • 1 + 1 =