هێرش بۆ سەر مەزاری محەمەد باقر حەکیم پیلانێکە بۆ سووتاندنی عێراق

کەتیبەکانی حزبوڵڵای عێراق بە دەرکردنی ڕاگەیێندراوێک، کاردانەوەی نیشان دا بە هێرش بۆ سەر مەزاری محەمەد باقر حەکیم و ئەو کارەی بە پیلانێکی نوێ بۆ سووتاندنی ناوەند و باشووری عێراق وەسف کرد.

بە ڕاپۆرتی ئاژانسی هەواڵی مێهر بە گێڕانەوە لە "النهرین"، لە ڕاگەیێندراوی کەتیبەکانی حزبوڵڵای عێراقدا هاتووە: گرووپی چەواشەکاری هێرشبەر بۆ سەر مەزاری محەمەد باقر حەکیم لە نەجەفی پیرۆز هیچ دەروەستیان بە خۆپیشاندەرانی ئاشتی‌خوازەوە نییە و پەیوەستن بەو باڵە بەعسیانەی کە محەمەد باقر حەکیم لە دژی ڕاپەڕیبوو.

کەتیبەکانی حزبوڵڵای لوبنان ڕاشیگەیاند: ئەو هێرشە بە گەلی خۆشەویستمان دەسەلمێنێت کە میحوەری ئاژاوەی زایۆنی – ئەمریکی – سعوودی قۆناغێکی نوێی بۆ سووتاندنی شارەکانی باشوور و ناوەندی عێراق لە رێگەی گرووپگەلی جەنایەتکار و ئاژاوەگێڕەوە دەست پێ کردووە و ئامانجیان لەو کارە هەڵگیرساندنی شەڕی ناوخۆییە. ئەوە پرسێکە کە مەرجەعییەت لەبارەیەوە هوشداری داوە و داوای لە هەمووان کردووە بەرەنگاری ببنەوە.

شایانی باسە کە ناڕازیانی توندئاژۆخواز و ڕادیکاڵ دوای هێرش کردنە سەر مەزار و کۆمەڵەی فەرهەنگی شەهید ئایەتوڵڵا محەمەد باقر حەکیم سەرۆکی کۆچکردووی مەجلیسی باڵای ئیسلامی عێراق، وێرای ئاگردانی مەزارگەی، بەشێک لە باڵەخانەی ئەو کۆمەڵەیە ئاگردرا و زیانی پێگەیشتووە.

News Code 29615

نیشانەکان

بۆچوونی ئێوە

You are replying to: .
  • 1 + 6 =