سەلاحەددین دەمیرتاش لە ئەڵمانیا خەڵاتی ئازایەتی سیاسی پێبەخشرا

دامەزراوەی هاوپەیمانی پێشکەوتن خواز (Progressive Alliance) کە دامەزاروەیەکی نێودەوڵەتییە و بارەگای سەرەکی لە وڵاتی ئەڵمانیایە، خەڵاتی ئازایەتی سیاسی بۆ ساڵی ۲۰۱۹ بەخشی بە سەڵاحەدین دەمیرتاش، هاوسەرۆکی پێشوی هەدەپە.

بە ڕاپۆرتی ئاژانسی هەواڵی مێهر، خەڵاتەکە لەلایەن باشاک دەمیرتاش، هاوسەری سەلاحەددین دەمیرتاش هاوسەرۆکی پێشووی هەدەپەوە وەرگیرا .

هاوسەرەکەی دەمیرتاش پەیامی سەلاحەددینی خوێندەوە کە نوسیبووی: "سەرەڕای ئەوە هەموو فشارەی کە لەسەرمانە، بەڵام ئێمە بە هەمو هێزمانەوە بەردەوامین لە رووبەڕوبوونەوەی ستەمکاری، بەبێ ئەوەی دەستبەرداری پرەنسیپ و بەهاکانمان بین کە باوەڕمان پێیەتی، ئەو هێزەشمان لە گەلەکەمانەوە وەرگرتووە".

ئاماژەی بەوەشكردوە کە  "خەڵاتی ئازایەتی سیاسی پێشکەش دەکەم بە هەموو پێکهاتەکانی گەلی تورکیا، لەسەروی هەموویانەوە گەلی کورد و گەلانی تێکۆشەری تورکیا، ئەو خەڵاتە پێشکەشە بە هەمو ژنە هاوڕێ دەستگیرکراوەکانمان لە زیندانەکانی تورکیا و هەموو زیندانییەکانی دیکە".

هاوپەیمانی پێشکەوتن خوازی جیهانی ساڵی ۲۰۱۳ بەبەشداری ۱۴۰ پارتی سیاسی لەسەر ئاستی دونیا پێکهێنراوە و بارەگای سەرەکی لە وڵاتی ئەڵمانیایە، لەسەر ئاستی تورکیا تەنها پارتی گەلی کۆماری (CHP) و پارتی دیموکراتی گەلان (HDP) ئەندامی ئەو رێکخراوەن.

 سەلاحەددەین دەمیرتاش لە ۴ی تشرینی یەکەمی ۲۰۱۶، لەلایەن حکومەتی تورکیاوە لەگەڵ فیگەن یوکسەکداغ و بەشێک لە ئەندام پەرلەمانەکانی ھەدەپە بەتۆمەتی پەیوەندی لەگەڵ پەکەکەدا دەستگیرکراو تاوەکو ئێستاش لە زینداندایە.

News Code 29393

نیشانەکان

بۆچوونی ئێوە

You are replying to: .
  • 4 + 14 =