کورتە فیلمی "تنبیه" گەیشتە دوو فێستیڤاڵی نێودەوڵەتی ئۆردۆن و بریتانیا

کورتە فیلمی تەمێ(تنبیە) لە دەرهێنانی جەلال وەیسی و بەرپرسایەتی هاوبەشی حەوزەی هونەری پارێزگای کوردستان و نووسینگەی ئەنجومەنی سینەمای گەنجانی سنە گەیشتە بەشی ڕکابەری دەیەمین خولی فێستیڤاڵی کورتە فیلمی کەرامەتی ئۆردۆن.

بە ڕاپۆرتی ئاژانسی هەواڵی مێهر، فیلمی تەمێ بەرهەمی جەلال وەیسی، دەرهێنەری گەنجی سنەیی لە درێژەی بەشداری خۆی لە فێستیڤاڵە ناوخۆیی و دەرکییەکان گەیشتە بەشی کۆتایی و ڕکابەری دەیەمین فێستیڤاڵی نێودەوڵەتی کورتە فیلمی ئۆردۆن لە سەر بابەتی مافی مرۆڤ کە لە ڕۆژانی ٥ بۆ ١٢ ی دیسەمبەری ٢٠١٩ واتا ١٤ بۆ ٢١ سەرماوەز بەڕێوە دەچێت.

ئەو فیلمە هەروەها مۆڵەتی بەشداری لە بەشی کۆتایی فێستیڤاڵی Derby Film Festival کە لە ٢٣ بۆ ٢٥ ی سەرماوەز لە شاری دربی شایری بریتانیا بەڕێوە دەچێت، وەرگرت.

ئەو فیلمە ١١ خولەکیە بە بێ قسە کردنی ئەکتەر، مهران مۆکاری، فیلمێکی دژە شەڕە و بەکارهێنانی نەشیاو لە دەسەڵاتی وەکوو بەستێنێک بۆ لە ناوبردنی ئارمانە مرۆڤییەکانی هێناوەتە پێش کامێراوە.

News Code 29338

نیشانەکان

بۆچوونی ئێوە

You are replying to: .
  • 5 + 13 =