زانکۆ کوردستان "ویسێ و ڕامین"ی کوردی لێکدەداتەوە

توێژینگەی کوردستانناسی زانکۆی کوردستان لە درێژەی زنجیرە کۆڕەکانی ڕەخنە و هەڵسەنگاندنی کتێب، بڕیارە کۆڕێکی خوێندنەوە بۆ کتێبی "وەیسێ و ڕامین"ی وەرگێڕاوی کوردی بە بەشداریی مامۆستایانی زانکۆ بەڕێوە ببات.

بە ڕاپۆرتی ئاژانسی هەواڵی مێهر، کتێبی "ویسێ و ڕامین" ئەفسانە و بەرهەمی مێژوویی "فەخرەدین ئەسعەد گورگانی" لە لایەن د. نەجمەدین جەباری کراوەتە کوردی و بڕیارە لە کۆڕێکدا بە بەشداریی مامۆستایانی زانکۆ خوێندنەوە و هەڵسەنگاندنی بۆ بکرێت.

لەو کۆڕەدا کە لە درێژەی زنجیرە کۆڕەکانی ڕەخنە و هەڵسەنگاندنی کتێب لە لایەن توێژینگەی کوردستانناسی زانکۆی کوردستان بەڕێوە دەچێت، مامۆستایان د. سیرووس ئەمیری، د. هیوا حەسەن پوور و د. سروە مینبەری لە گۆشەنیگای خۆیانەوە دەڕواننە تایبەتمەندییەکانی ئەو دەقە مێژووییە و ئاستی وەرگێرانی دەقەکە.

کۆڕی هەڵسەنگاندنی "ویسێ و ڕامین"ی کوردی کاتژمێر ١١:٣٠ی رۆژی چوارشەممە ٢٢ی خەزەڵوەر لە هۆڵی خەیامی کۆلێژی زمان و ئەدەبیاتی زانکۆی کوردستان بەڕێوە دەچێت و هاتن بۆ هەمووانە.

News Code 29293

نیشانەکان

بۆچوونی ئێوە

You are replying to: .
  • 2 + 0 =