دەستپێکردنی ئۆپەراسیۆنی رۆژهەڵاتی فورات لە ئان و ساتدایە

سەرۆک کۆماری تورکیا ڕایگەیاند کە مومکینە ئۆپەراسیۆنی سەربازی لە رۆژهەڵاتی فورات هەردەم دەست پێ بکات.

بە ڕاپۆرتی ئاژانسی هەواڵی مێهر بە گێرانەوە لە "المیادین"، ڕەجەب تەیب ئەردۆغان سەرۆک کۆماری تورکیا ڕایگەیاند: مومکینە ئۆپەراسیۆنی سەربازی لە رۆژهەڵاتی فورات هەردەم دەست پێ بکات.

ڕاشیگەیاند: ئەمریکا هێزەکانی خۆی لە ناوچەی رۆژهەلاتی فورات کشاندۆتەوە و مانەوەی تا ئێستای ببووە هۆی دواکەوتنی ئۆپەراسیۆنی سەربازی لە دژی تیرۆریستانی رۆژهەڵاتی فورات.

ئەردۆغان لە درێژەدا وتی: ڕەوتی دەرچوونی ‌هێزەکانی ئەمریکی لە باکووری سووریا پاش گفتوگۆی تەلەفونیی من و دۆناڵد ترامپی سەرۆک کۆماری ئەمریکا دەستی پێ کرد.

سەرۆک کۆماری تورکیا وتیشی: ئێمە سەبارەت بە چۆنیەتی پەیوەندی لە گەڵ زیندانییە داعشییەکان لە ناوچەی رۆژهەڵاتی فوراتدا لێکدانەوەی پێویست ئەنجام دەدەین.

News Code 28741

نیشانەکان

بۆچوونی ئێوە

You are replying to: .
  • 3 + 4 =