عەشق بە بنەماڵەی پێغەمبەر ڕیشەی لە بڕوای ئەهلی سوننەدا هەیە

سەرۆکی ناوەندی گەورەی ئیسلامی سنە بە وتنی ئەوەی کە ڕێزگرتن لە سەییدەکان لە کۆمەڵگا ئەبێ زیادتر ببێتەوە، وتی: عەشق بە ئەهلی بەیتی پێغەمبەر ڕیشەی لە ئیمانی ئەهلی سوننە هەیە.

بە ڕاپۆرتی ئاژانسی هەواڵی مێهر، مامۆستا ئێقباڵ  بەهمەنی  لە کارگرووپی فەرهەنگی بەڕێوەچوونی فێستیڤاڵی شەجەرەی تەیبەی سەیدەکانی پارێزگای کوردستان، وتی: ئەهلی سوننە بە تایبەتی ئایینی ئیمام شافعی نیسبەت  ئەهلی بەیت ڕێزی تایبەتیان هەیە.

ناوبراو زیادی کرد: کاتێک دەمانەوێت باسە دینییەکان بڵێینەوە لە ئەوەی کە ئەهلی بەیت و سەیدەکان وتوویانە کەڵک وەردەگرین.

سەرۆکی ناوەندی گەورەی ئیسلامی سنە بە جەخت لە سەر ئەوەی کە عەشق بە ئەهلی بەیتی پێغەمبەری گەورەی ئیسلام ڕیشەی لە ئیمان و دینی موسڵمانان بە تایبەتی سوننەی شافعی هەیە، درێژەی دا: دەربڕینی خۆشەویستی بە ئەهلی بەیت لە ناوچەی کوردستان بە تایبەتی لە نێو شافعییەکان زۆرە.

وتیشی: لە درێژایی مێژووی ئیسلامدا ئەهلی بەیت لە پەروەردە و چاکسازی کۆمەڵگا ڕۆڵی کاریگەریان هەبووە و هەرگیز داواکارانی سەردەمی خۆیانیان لە بیر نەکردووە و بەردەوام لە نێو خەڵک بوون و خۆیانیان لێی جودا نەکردووەتەوە.

News Code 28564

نیشانەکان

بۆچوونی ئێوە

You are replying to: .
  • 4 + 4 =