کتێبی "هیچ دۆستێک جگە لە چیاکان"  کرایە کوردی

"هیچ دۆستێک جگە لە چیاکان" بەرهەمی بێهروز بووچانی، نووسەری کوردی ئیلامی لە لایەن دوکتۆر هاشم ئەحمەد زادەوە کرایە کوردی.

بە ڕاپۆرتی ئاژانسی هەواڵی مێهر، دوکتۆر هاشم ئەحمەد زادە لە هەژماری فەیس‌بووکی خۆیدا ڕایگەیاند: وەرگێڕاوی کوردیی ڕۆمانی "هیچ دۆستێک جگە لە چیاکان" بەرهەمی بێهرووز بووچانی نووسەری کوردی ئیلامی، بەزوویی لە لایەن دەزگاى غەزەلنووس لە شاری سلێمانی و هاوکات لە لایەن خانەى کتێبی ئەرزان لە وڵاتى سوید چاپ و بڵاو دەبێتەوە.

شایانی باسە، "هیچ دۆستێک جگە لە چیاکان" چیرۆکی سەفەری خودی نووسەرەکەیە بۆ ئۆسترالیا و دەستگیرکرانی لە بازگەی پەنابەرانی ئۆسترالیا لە دوورگەی مانووسدا و خۆبواردنی دەوڵەتی ئەو وڵاتە لە پێدانی مۆڵەتی چوون بۆ خاکی ئۆسترالیایە. ئەو چیرۆکە لە وات‌ساپدا نووسراوە و پاشان لە لایەن "ئومێد تەوفیقیان" و "موونس مەنسووبی"یەوە کراوەتە ئینگلیزی.

ئەم ڕۆمانە تا ئێستا چەندین خەڵاتی گرینگی وەک "ڤیکتۆریەن پریمییەر" (گرینگترین خەڵاتی ئەدەبی ئۆسترالیا)، نیۆسات ڤیلز پریمییەر، خەڵاتی بایۆگرافی و کتێبی دایکۆمێنتی ساڵی ئۆسترالیای مسۆگەر کردووە.

News Code 28538

نیشانەکان

بۆچوونی ئێوە

You are replying to: .
  • 7 + 2 =