ڕۆحانی و ماکرۆن لە کۆبوونەوەی نیۆیۆرک باسی چییان کردووە؟

نووسینگەی سەرۆک کۆماری فەڕەنسا بە دەرکردنی بەیاننامەیەک، ناوەڕۆکی گفتوگۆکانی نێوان حەسەن ڕۆحانی و ئێمانۆئێل ماکرۆنی ئاشکرا کرد.

 بە ڕاپۆرتی ئاژانسی هەواڵی مێهر، لە ڕاگەیێندراوی نووسینگەی سەرۆک کۆماری فەڕەنسادا ئەو پاگەندەیە کراوە کە گوایە ماکرۆن بە ڕۆحانی وتووە: ڕێگاکانی کەم کردنەوەی تەنگژەکان لە ناوچەکە باریکتر بووەتەوە و کاتی ئەوەیە کە ئێران هەنگاوێک بۆ پووچەڵ کردنەوەی قەیرانەکان هەڵگرێت.

لەو ڕاگەیێندراوەدا هاتووە کە دیداری ماکرۆن و ڕۆحانی کە دەستبەجێ پاش بەیاننامەی دژە ئێرانی  E۳ (ئەڵمانیا، فەڕەنسا و بریتانیا) ئەنجام دراوە، ۹۰ خولەکی خایاندووە.

ئەمە لە حاڵێکدایە کە عەلیڕەزا میر یوسفی، وتەبێژی شاندی ئێران لە نەتەوەیەکگرتووەکان لە پەیامێکی تویتریدا، ڕایگەیاند کە حەسەن ڕۆحانی و ئێمانۆئێل ماکرۆن سەبارەت  بە ڕێککەوتنی ناڤۆکی، پەیوەندی دوو لایەنە و گەڵاڵەی ناوچەیی نوێ ئێران قسەیان کردووە.

ئەمڕۆ ماکرۆن لە گەڵ ترامپ هاوتای ئەمریکایی خۆی سەبارەت بە پرسی ئێران قسە دەکات.

دوێنێ فەڕەنسا، بریتانیا و ئەڵمانیا بە دەرکردنی بەیاننامەیەک دژی ئێران، پاگەندەیان کردبوو کە ئێران بەرپرسیارە لە هێرسەکەی ئارامکۆی عەرەبستان.

News Code 28492

نیشانەکان

بۆچوونی ئێوە

You are replying to: .
  • 1 + 2 =