ئەمریکییەکان بە زیاترین گوشار دژی ئێران نەیانتوانی هیچ کارێک بکەن

سەرۆک کۆمار بە وتنی ئەوەی کە ئەمریکا گەیشتووەیە داماوی، وتی: ئەمریکییەکان بە گەمارۆ و زیاترین گوشار دژی نەتەوەی ئێران نەیانتوانی کارێک ئەنجام بدەن.

بە ڕاپۆرتی ئاژانسی هەواڵی مێهر، حەسەن ڕۆحانی سەرۆک کۆماری ئێران ئەمڕۆ دووشەممە یەکەمی ڕەزبەر پێش سەفەر بۆ نیۆیۆرک بۆ بەشداری لە کۆبوونەوەی گشتی نەتەوە یەکگرتووەکان، وتی: کۆبوونەوەی گشتی نەتەوە یەکگرتووەکان دەرفەتێکی باشە بۆ ئەوەی کە ڕای نەتەوەکان لەوانە نەتەوەی ئێران بوترێت و ئەو هەوڵە زاڵمانە کە بە نەتەوەی ئێران دەکرێت و هەورەها ئەو پرسە پێچراو و ئەستەمانە کە ناوچەکە لە گەڵ تووشە، بۆ خەڵک و وڵاتانی جیهان شرۆڤە بکرێت.

ناوبراو زیادی کرد: سەفەری ئەمساڵی ئیمە بۆ نیۆیۆرک گرینگایەتی تایبەتی هەیە. هەستی ئێمە ئەوە بوو کە ئەمریکییەکان نایانەوێت شاندی ئێرانی بچێتە نەتەوە یەکگرتووەکان و بەشداری بکات، یان دەترسن یان قسەکانی ئیمە بۆیان زۆر تاڵە و پێدەچێت هۆکارگەلێکیان هەبێت کە دەیانەوێت قسەکانی ئێمە لە ڕای گشتی خۆیان کاریگەر نەبێت. ئەگەر ئەوان پێیان خۆش نییە ئێمە ئەبێ پێداگری بکەین.

ڕۆحانی وتیشی: ئێمە ئەمڕۆ لە دۆخێکدا دەچینە نەتەوە یەکگرتووەکان کە ئەمریکییەکان گەمارۆکانی خۆیان دژی ئێرانیان گەیاندووەتە ئاستێک کە خۆیان دەڵین کە شتێک نەماوەتەوە و لەم دواییەدا گەمارۆی نوێیان سەپاندەوە؛ ئەوە بە واتای داماوی تەواوی ئەمریکایە. گەمارۆ و زیاترین گوشاری ئەمریکا نەیتوانیوە کارێک بکات.

News Code 28474

نیشانەکان

بۆچوونی ئێوە

You are replying to: .
  • 2 + 0 =