كتێبخانەكەی مەلا عەبدولكەریم مودەڕڕیس بەخشرا

كتێبخانەكەی مەلا عەبدولكەریم مودەڕڕیس گواسترایەوە و لەسەر وەسیەتی خۆی درایە بنكەی ژین .

بە ڕاپۆرتی ئاژانسی هەواڵی مێهر، بنكەی ژین لە شاری سلێمانی ڕایگەیاند: "شەرەفی پاراستن و خزمەتكردنی پاشماوەی گرانبەهای ئەم زانا مەزنەی كوردەواریی پێ‌ بڕاوە".

ڕۆژی یەك شەممە، ۸ی ئەیلول پاشماوەی كتێبخانەكەی مەلا عەبدولكەریم مودەرریس، كە لە لای خوالێخۆشبوو كاك سەڵاحی كوڕی پارێزرابوو، وەك بنەماڵەی مامۆستا پێش ‌وەخت گفت و بڕیاری لێ‌دابوو و پێشكەشی "بنكەی ژین"ی كردبوو، گواسترایەوە بۆ تەلاری ژین.

 ئەنجومەنی بەڕێوەبردنی بنكەی ژین، لە راگەیەندراوێكدا ئاشكرای دەكات :"خۆ بە بەختەوەر دەزانێ كە شەرەفی پاراستن و خزمەتكردنی پاشماوەی گرانبەهای ئەم زانا مەزنەی كوردەواریی پێ ‌بڕاوە و سپاسی ئەم بنەماڵە بەڕێزەیش دەكات كە بە متمانەوە ئەم هەڵوێستەی نوواندووە".

ئەو بنكەیە بڕیاری داوە ژوورێكی تەنیشتی كتێبخانەی تایبەتی "خوالێخۆشبوو شێخ محەممەدی خا‌ڵ لە نهۆمی دووەمدا بۆ ئەم كۆكراوەیە تەرخان ‌بكات و حاڵی حازر خەریكی ڕاپەڕاندنی ئەم كارەیە.

لڤین پرێس نووسی،  بەشی زۆری كتێبخانەی تایبەتی مامۆستا مەلاعەبدولكەریم، پاش كۆچی‌دوایی، بەخشراوەتە كتێبخانەی شێخ عەبدولقادری گەیلانی (حەزرەتی غەوس) لە بەغدا.

News Code 28463

نیشانەکان

بۆچوونی ئێوە

You are replying to: .
  • 6 + 12 =