عێراق ناتوانێ هۆکاری زیان‌گەیاندن بە هاوڕێیان و دراوسێیەکانی بێت

سەرۆک وەزیرانی عێراق جەختی کرد کە وڵاتەکەی ناتوانێ هۆکاری زیان گەیشتن بە هاوڕێیان و دراوسێیەکانی بێت.

بە ڕاپۆرتی ئاژانسی هەواڵی مێهر بە گێڕانەوە لە "النشره"، عادڵ عەبدولمەهدی سەرۆک وەزیرانی عێراق لە میانەی دیدار لە گەڵ یێنس ستولێتنبێرگی ئەمینداری گشتیی ناتۆ، جەختی کرد: عێراق ناتوانێ هۆکاری زیان‌گەیاندن بە هاوڕێیان و دراوسێکانی بێت.

وتیشی: ئاراستەی عێراق لە هەموو بوارەکاندا ئاراستەیەکی دروست بووە و ئەو وڵاتە شایەدی وەدی هاتنی سەقامگیرییەکی دیارە.

عەبدولمەهدی جەختیشی کرد: دەوڵەتی عێراق بۆ ڕووبەڕووبوونەوەی لە گەڵ ئاستەنگ و ململانێ ناوخۆیی و دەرەکییەکانی دوورنوێنێکی دیاری هەیە و پلان دادەڕێژێت بۆ قۆرخەکرانی چەک لای دەوڵەت.

سەرۆک وەزیرانی عێراق لە کۆتاییشدا ڕایگەیاند: سیاسەتی عێراق لە پێناو خزمەتگەیاندن بە سەقامگیریی تەواو وڵاتانی ناوچەیە و ئێمە بە شێوەی بەرپرسانە بەرەوڕووی قەیرانەکانی ناوچە دەبین.

News Code 28394

نیشانەکان

بۆچوونی ئێوە

You are replying to: .
  • 6 + 7 =