رۆژێک دێت، ترامپ دادگەیی دەکەین

سکرتێری مەکۆی دیاری کردنی بەرژەوەندییەکانی نیزام، وتی: ئێمە قەناعەتمان بە دەرکرانی "بۆڵتۆن" نییە و رۆژێک دادێ کە ترامپ دادگەیی دەکەین.

بە ڕاپۆرتی ئاژانسی هەواڵی مێهر، موحسن ڕەزایی سکرتێری مەکۆی دیاری کردنی بەرژەوەندییەکانی نیزامی کۆماری ئیسلامی ئێران ئەوڕۆ (سێ شەممە) لە کۆبوونەوەی تۆڕی جەماوەریی سایبێری شۆڕشی ئیسلامی ئێران لە شاری ئابعەلیدا وتی: سەرۆک کۆمار نابێ هەتا بە رێبواریش چاوی بە ترامپ بکەوێت، مەگین مشتی بۆ ڕازاندبێتەوە. چونکە هەر وێنەیەک لە گەڵ ترامپ بۆ دانوستان بگیرێت، خەیانت بە بەرخۆدان و شۆڕشی ئێمەیە.

سکرتێری مەکۆی دیاری کردنی بەرژەوەندییەکانی نیزام بەرجامی بە لوتکەی سەرکەوتنی بیرۆکەی لیبراڵەکانی ناو دەوڵەت و مەجلیس زانی و وتیشی: کشانەوەی ئەمریکا لە بەرجام دەبێ کۆتاییەک بێت بۆ بیرۆکەی لیبراڵی لە وڵاتدا.

ڕەزایی بە ئاماژە بەوەی کە "ئێمە قەناعەتمان بە دەرکرانی بۆڵتۆن نییە و رۆژێک دادێ کە ترامپ دادگەیی دەکەین"، جەختی کرد: ئەگەر دۆخی وڵات دژە ئەمریکی و دژە لیبراڵی بێت و مەجلیسی شۆڕشی پێک بێت ئەوا ئەو پەیامە دەگەیێندرێت کە گەلی ئێران بۆ جارێکی دیکە ئەمریکای شکست داوە.

News Code 28392

نیشانەکان

بۆچوونی ئێوە

You are replying to: .
  • 1 + 10 =