یەکەمین کۆنفرانسی نەتەوەیی مەریوان‌ناسی بەڕێوەدەچێت

ئەنجومەنی فەرهەنگی- ئەدەبیی مەریوان یەکەمین کۆنفرانسی نەتەوەیی مەریوان‌ناسی لە ناوەڕاست مانگی پاییزی ئەمساڵدا بەڕێوە ببات.

بە ڕاپۆرتی ئاژانسی هەواڵی مێهر، ئەنجومەنی فەرهەنگی- ئەدەبیی مەریوان بڕیارە لە مانگی خەزەڵوەر (١٣٩٨)ی هەتاویدا یەکەمین کۆنفرانسی مەریوان‌ناسی لەو شارەدا بەڕێوە ببات.

لە بانگەوازی ئەم کۆنفڕانسەدا بە ئاماژە بە پێشینەی پڕ لە هەوراز و نشێوی شاری مەریوان و هەڵکەوتەی جوگرافی و سروشتی دەگمەن و تایبەتیی، هاتووە: ئەم تایبەتمەندیانە دەبنە هۆی سازبوونی زەروورەتێک بە ناوی خوێندنەوە و لێکدانەوە و شرۆڤەی ئەو شارە؛ کارێک کە تاکوو ئێستا کەمتر بە شێوەی زانستی و سیستماتیک ئەنجام دراوە.

تەورەکانی کۆنفڕانسی مەریوان‌ناسی لە ٥ مژاری گشتی پێکهاتووە کە بریتین لە: "مێژوو و کۆنینەناسی"، "ڕۆشنبیری و فەرهەنگی"، "کۆمەڵایەتی"، "ژینگە و جوگرافیا" و "ئابووری" و هەرکام لەم مژارانەش پرس و بابەتگەلێکی جۆراوجۆر لە خۆدەگرن و بەوەشەوە نووسەر و لێکۆڵەران دەتوانن تەوەر و بابەتی دیکەش بە مەرجێ پەیوەندی بەو کۆنفرانسەوە، بۆ نووسین هەڵبژێرن.

هەروەها لە بانگەوازەکەدا داوا لە بەشدرابووان کراوە کە توێژینەوە و وتارەکانیان بە میتۆدی زانستی و ئاکادیمی و لە دووتۆی کەمتر لە ١٢ بەرگی ٤٠٠ وشەییدا بە دوو زمانی کوردی یان فارسی لە گەڵ پۆختەی بابەت ڕەوانەی نووسینگەی ئەنجومەنی فەرهەنگی-ئەدەبیی مەریوان لە ئیدارەی فەرهەنگ و ئیرشادی ئەو شارە بکەن.

ئەم کۆنفڕانسە بڕیارە لە مانگی خەزلوەری ئەمساڵی هەتاویدا بەڕێوە بچێت و دوا مۆڵەتی وەرگرتنی بابەت رۆژی ١٠ی مانگی ڕەزبەر ڕاگەیێندراوە.

News Code 28352

نیشانەکان

بۆچوونی ئێوە

You are replying to: .
  • 9 + 1 =