سەدان داعشی لە ٣ پارێزگای عێراقدان

وتەبێژى فەرماندەیی ئۆپەراسیۆنە هاوبەشەکانى عێراق لە بوونی سەدان داعشی لە ٣ پارێزگای ئەو وڵاتە هەواڵی دا.

بە ڕاپۆرتی ئاژانسی هەواڵی مێهر بە گێڕانەوە لە "القدس العربی"، عەمید ڕەسووڵ یەحیا ڕەسووڵ وتەبێژى فەرماندەیی ئۆپەراسیۆنە هاوبەشەکانى عێراق بە ئاماژە بە بوونی سەدان داعشی لە ٣ پارێزگای ئەو وڵاتە، وتی: ئۆپەراسیۆنی ورەی سەرکەوتوو کە ئێستاش بەردەوامە هەوڵی ڕیشەکێش کردنی پاشماوەی داعشییەکان دەدات.

وتیشی: ئەگەرچی داعش هێز و ورەیەکی بۆ نەماوە، بەڵام پاشماوەکانیان بە کێو و دەشت و ساراکاندا بڵاو بوونەتەوە. کەواتە شەڕی ئێستای ئێمە شەڕی هەواڵگرانەیە و یەکێک لە هۆکارانی سەرکەوتنیشمان بە سەر داعشدا هاوکاری جەماوەرییە.

ڕەسووڵ یەحیا بە ئاماژە بە سارایی بوونی لە سەدا ٣٠ی خاکی عێراق و سەخڵەتی هاتوچۆ لەو شوێنانە، ڕایگەیاند: قۆناغی چوارەمی ئۆپەارسیۆنی ورەی سەرکەوتن ناوچەگەلی ساراییە کە ڕووبەرێکی ١٤٠ هەزار و ٩٨٠ کیلۆمەتریی پێکهاتووە و داعشییەکان لە گرووپگەلی ٣ تا ٦ کەسی لەو ناوچانەدا بڵاون.

ناوبراو ئاماژەی بەوەش دا: داعش لە رۆژئاوای نەینەوا و زنجیرە کێوەکانی بادۆش و عەتشانە و سارای ئەنبار و هەندێک ناوچەی کەرکووک بە تایبەت لە باشووری ئەو پارێزگایە جێگرن، بەڵام ژمارەیان زۆر نییە و لانی زۆر دەگەنە ٥٠٠ تا ٦٠٠ تیرۆریست.

News Code 28222

نیشانەکان

بۆچوونی ئێوە

You are replying to: .
  • 2 + 2 =