گوڵ نەسا خەڵاتی داهێنانی فێستیڤاڵی ئاکولاد گلۆباڵی ئەمریکای مسۆگەر کرد

خەڵاتی داهێنانی هەڤدەهەمین خولی فێستیڤاڵی نێونەتەوەیی ئاکولاد گلۆباڵ (Accolade Global)ی ئەمریکا بەخشرا بە فیلمی گوڵ نەسا لە دەرهێنانی سەتار چەمەنی گوڵ و سناریۆی ڤیدا ساڵحی.

بە ڕاپۆرتی ئاژانسی هەواڵی مێهر، فیلمی سینەمایی گوڵ نەسا لە دەرهێنانی سەتار چەمەنی گوڵ و سناریۆی ڤیدا ساڵحی(هاوژینی هونەرمەندی سنەیی) خەڵاتی داهێنانی هەڤدەهەمین خولی فێستیڤاڵی نێونەتەوەیی ئاکولاد گلۆباڵ (Accolade Global)ی ئەمریکای مسۆگەر کرد.

ئەم فیلمە بە بەشداریی لە ٤٠ فێستیڤاڵی جۆراوجۆری فیلم و بردنەوەی زیاتر لە ١٧ خەڵات، بەسەرهاتی دوو کەسایەتی بە ناوەکانی گوڵ مەمەد و گوڵنەسا وەک ژن و مێردێکی ئەفغانییه کە پاش کۆچی نایاساییان بۆ ئێران لە کورەخانەیەکی ئاجورپەزیدا ئیش دەکەن و لە شوێنی کارەکەیان تووشی ڕووداوگەلی جۆراوجۆر دێن و ژیانیان بە بارێکی دیکەدا دەگۆڕێت.

فێستیڤاڵی نێونەتەوەیی ئاکولاد گلۆباڵ (Accolade Global)ی ئەمریکا کە بە گوێرەی گۆڤاری مۆڤی ماکێر (MovieMaker) یەکێکە لە ٢٥ فێستیڤاڵی سەرتری جیهان، لە ساڵی ٢٠٠٣دا دامەزاروە و لیژنەی داوەرانی پێکهاتوون لە کۆمیتەیەک لە پسپۆڕانی پیشەسازیی سینەما و لەوان بەربژێرانی خەڵاتەکانی ئێمی (Emmy)، تەلی (Telly) و کامیونیکاتۆر (Communicator).

ئەم فێستیڤاڵە هەرچی ساڵە چوار خەڵاتی باشترین فیلم، داهێنان، شیاوێتی و خەڵاتی تایبەتی دەبەخشێتە فیلمە هەڵبژاردەکانی.

News Code 28193

نیشانەکان

بۆچوونی ئێوە

You are replying to: .
  • 4 + 3 =