بە ڕاپۆرتی ئاژانسی هەواڵی مێهر، جووتیار عادل، وتەبێژی حکوومەتی ھەرێمی کوردستان لە بەیاننامەیەکدا رایگەیاند: "لە ھەندێ کەناڵی میدیایی عێراقی پروپاگەندەی ھەبوونی سەربازگەیەکی ئیسرائیلی لە هەولێر کراوە کە گوایە ژەنەڕالێکی ژن بەڕێوەی دەبات" کە بە تەواوەتی ڕەتی دەکەینەوە.
ئەوەشی وتووە کە " حکومەتی هەرێمی کوردستان سەرلەبەری ئەم هەواڵە بێ بنەمایە رەتدەکاتەوە و پێمانوایە ئەمە تەنیا پروپاگەندەیەکی سیاسی بێ بەھایە و ئامانجی بەلاڕێدابردنی ڕاستییەکانە بۆ قازانج و دەستکەوتی شەخسی."
شیاوی ئاماژەیە ماوەیەکە هەندێ هەواڵ لە میدیاکانی عێراق بڵاو بووەتەوە کە گوایە سەربازگەی ئیسرائیل لە هەولێر هەیە. ئەمە لە حاڵێکدایە کە بەرپرسانی سەربازی و حکوومی هەرێمی کوردستان ئەو بابەتە بە درۆ وەسف دەکەن.
Your Comment