دەرکرانی حوکمی زیندان بۆ سێ سیخۆر لە ئێران/ دوو نوێنەری مەجلیس دادگایی کران

وتەبێژی دەزگای داد لە کۆنفڕاسێکی رۆژنامەوانیدا ئاماژەی بە دەرکرانی حوکمی زیندان بۆ سێ سیخۆر و بەڕیوەچوونی دادگەی دوو نوێنەری مەجلیسی شۆڕای ئیسلامی کرد.

بە ڕاپۆرتی ئاژانسی هەواڵی مێهر، غوڵامحسێن ئیسماعیلی لەو دانیشتنەدا بە ئاماژە بە هەڵوێستی دەزگای داد لە دژی گەندەڵی لە کۆمەڵگای ئیسلامی بە هاوکاریی دەزگای بەڕێوەبەری، وتی: لە دۆسیەگەلی مافیای ئۆتۆمبیلدا بەڕێوەبەری گشتیی ئێران خودڕەو و دوو نوێنەری مەجلیس دەستگیر کراون و تا ئێستا دانیشتنێکی دادگەیان بەڕێوەچووە و هێشتا حوکمیان بۆ لێ نەدراوە.

ناوبراو هەروەها ئاماژەی بە دەستگیرکرانی بەرپرسێکی پێشووی دەزگای داد و یەکێک لە بەڕێوەبەرانی ڕێکخراوی مانگی سوور کرد و ڕایگەیاند: دۆسیەی یەکەمیان لە قۆناغی توێژینەوەیە و ١٥ کەسی پێوە دەستگیر کراوە و لە دۆسیەی دووهەمدا هۆی دەستگیرکرانی بەرپرسی مانگی سوور و دەستوپێوەندەکانی دەگەڕێتەوە بۆ شێوەی هاوردەی دەرمان بە دراوی دەوڵەتی و گرانفرۆشتنی لە بازاڕدا.

ئیسماعیلی لە درێژەدا باسی لە دەرکرانی حوکمی زیندان بۆ سێ سیخۆر کرد و ڕوونی کردەوە: ئەرەس ئەمیری بە هۆی پەیوەندیی لە گەڵ بەریتانیا و دزەکردنی فەرهەنگی لە رێگەی کۆمەڵگای هونەری و هەوڵی تێکدەرانە بۆ ڕووخاندنی نیزام بە ١٠ ساڵ زیندان و دوو ساڵ بێ بەش بوون لە چالاکیی کۆمەڵایەتی حوکم دراوە و عەلی جەوهەری بە هۆی پەیوەندیی بە مووساد و سیخۆریی بۆ ئیسرائیل ١٠ ساڵ زیندانی پێ بڕاوە و بۆ بە دەست هێنانی دارایی ناشەرعی و ناڕەوا مەحکووم بووە بە ٢ ساڵی دیکەی زیندان و رادەست کردنەوەی ئەو داراییە. ناوبراو لە پێناو وەرگرتنی هاووڵاتێتی ڕژیمی داگیرکەری زایۆنی هەوڵی داوە و لە هەمان کاتدا لە بواری ئاوەدان کردنەوەدا ڕاسپێردراوە بۆ قەرارگای خاتەمولئەنبیا.

وتەبێژی دەزگای داد سەبارەت بە دۆسیەی سێهەمی سیخۆری ڕاشیگەیاند: ئەنووشە ئاشووری فەرد کەسێکی دوو هاووڵاتییە کە هاوکات هاووڵاتیی بەریتانیاشە و پەیوەندی لە گەڵ دەزگای سیخۆریی مووساد بووە و ئیمکاناتێکی زۆری لێ وەرگرتوون و زانیارییەلی زۆری لە وڵات ئاراستەی ئەو دەزگا سیخۆرییە کردووە و لەو ڕووەوە دادگە حوکمی ١٠ ساڵ زیندان پێ داوە و هاوکات بۆ بە دەست هێنانی دارایی ناشەرعی و ناڕەوا لە مووساد ٢ ساڵی دیکەی زیندان و ڕادەست کردنی داراییەکانی لە بەرژەوەندیی دەوڵەتی کۆماری ئیسلامی ئێرانی پێ بڕاوە.

News Code 28067

نیشانەکان

بۆچوونی ئێوە

You are replying to: .
  • 4 + 8 =