لاریجانی  بەمزووانە سەردانی بەغدا دەکات

سەرۆکی پەرلەمانی عێراق و باڵوێزی ئێران لە بەغدا سەبارەت بە رێگەکانی تۆکمەی هاوکاریی دوو وڵات و سەفەری بەمزووانەی سەرۆکی مەجلیسی شۆڕای ئیسلامی بۆ ئەو وڵاتە گفتوگۆیان کرد.

بە ڕاپۆرتی ئاژانسی هەواڵی مێهر بە گێڕانەوە لە "موازین نیوز"، نووسینگەی محەمەد حەلبووسی سەرۆکی پەرلەمانی عێراق بە دەرکردنی ڕاگەیێندراوێک لە دیدار و گفتوگۆی ئەو و ئیرەج مەسجدی باڵوێزی ئێران لە عێراق سەبارەت بە پەیوەندی و هاوکاریگەلی دوو قۆڵی و رێگەگەلی تۆکمە کردنی پەیوەندییەکان لە پێناو بەرژەوەندیی دوو وڵاتی دراوسێ هەواڵی دا.

لەو ڕاگەیێندراوەدا هاتووە کە حەلبووسی و مەسجدی وێرای لێکدانەوەی بارودۆخی ئێستای ناوچە، جەختیان لە گرینگیی گرتنەبەری هەڵوێستی یەکە و هاوبەش لە لایەن وڵاتانی ناوچە بۆ کۆتایی هێنان بە قەیران و چارەسەریی کێشەکان لە رێگەی گفتوگۆ بە ئامانجی پێشگری لە سەرهەڵدانی قەیران و پاراستنی سەقامگیرییەکان کرد.

سەرۆکی پەرلەمانی عێراق و باڵوێزی ئێران لە بەغدا هەروەها سەبارەت بە سەفەری بەمزووانەی عەلی لاریجانی سەرۆکی مەجلیسی شۆڕای ئیسلامی بۆ عێراق گفتوگۆیان کرد.

News Code 27788

نیشانەکان

بۆچوونی ئێوە

You are replying to: .
  • 2 + 5 =