ئێران لە زلهێزەکان ناترسێت/ حەز دەکەین دراوسێیەکانمان لە گرووپی ملهوڕی بێنەدەرەوە

وەزیری دەرەوەی ئێران جەختی کرد کە ئێران بە هیچ لەونێک لە زلهێزەکان ناترسێت و حەز بەوە دەکات کە وڵاتانی دراوسێی لە گرووپی ملهوڕی (تیمی بی) بکشێنەوە.

بە ڕاپۆرتی ئاژانسی هەواڵی مێهر، محەمەد جەواد  زەریف، بەیانی ئەمڕۆ دووشەمە 14ی گەلاوێژ لە کۆنفڕانسێکی ڕۆژنامەوانیدا بە هەواڵنێران وتی: گەمارۆدانی وەزیری دەرەوە بە واتای دۆڕاندنی گفتوگۆیە. شکست لە دیپلۆماسی و دژایەتی لەگەڵ گفتوگۆ، ئەمە جیاوازی دوو دیالۆگە کە یەک ڕێگایان گرتووەتە بەر.

زەریف بە ئاماژە بەوەی کە تیرۆریزمی ئابووری ڕاستیەکی حاشاهەڵنەگرە، وتی: دەوڵەتی ئەمریکا دەڵێت گەلی ئێران ئەگەر بیانەوێت نان بخۆن دەبێ سیاسەتی خۆیان بگۆڕن. ئەمە  هەوڵ بۆ بێ بەش کردنی نەخۆشەکان لە دەوا و دەرمانە، هەوڵ دان بۆ برسی هێشتنەوەی خەڵکی ئێران.

وەزیری دەرەوەی ئێران ڕایگەیاند: بە لەبەرچاو گرتنی دیالۆگی مڵهوڕی لە لایەن کۆشکی سپی و تیمی بی و دیالۆگی ئاشتی و دۆستایەتی لە لایەن ئێرانەوە، ئەمڕۆ دەبینی کە ئەمریکا لە جیهاندا تەنیایە .

ڕاشیگەیاند: دوژمنان لە هەنگاوی داهاتوودا چاوەڕوانی ئەوە بوون کە ئێمە هێزگەی ناڤۆکی خۆمان دابخەین، بەڵام نەمانکرد. بۆ ئێمە هیچ دەسەلاتێک تا کۆتایی نییە و تەنیا دەسەڵات و هێز، دەسەڵاتی خودایە.

 زەریف ڕوو لە زلهێزەکان وتی: ڕەنگە بۆ هەندێ کەس ئێوە خوا بن بەڵام بۆ ئێران هیچ نین. ئەم جارەش پشت بە خوا گوشارەکانی ئێوە بە یارمەتی توانایی ناوخۆیی، پەیوەندی لەگەڵ وڵاتانی دۆست، ئابووری خۆراگرانە و پاڵ دانەوە بە خەڵکەکەی خۆمان بێ کاریگەر دەکەین.

وەزیری دەرەوەی ئێران جەختی کرد کە ئەمریکا بەرپرسی تەنگژەی کەنداوی فارس و ئاژاوەی جیهانە.

وتیشی: ئەو کەسەی ئاگر دەکاتەوە ناتوانێ ئاگر کوژێن بێت. ئەمریکا هەرکات هاتووەتە کەنداوی فارس، جگە لە توندوتیژی ئەنجامی دیکەی نەبووە.

سەبارەت بە راگرتنی نەوت هەڵگرکەی ئێران لە لایەن بریتانیاوە زەریف وتی: ئەم کارەی بریتانیا دزی بوو وئەگەرچی هیچ پەیوەندیەکی بەوانیشەوە نییە بەڵام دەڵێمەوە کە ئەو نەوت هەڵگرە بۆ سووریا نەدەچوو.

 زەریف نەیشاردەوە کە پێیوایە ترامپ بە دوای شەڕەوە نییە و بوڵتۆن و نتانیاهۆ هەمیشە بە ئاواتی شەڕن و بە دوای شەڕدا دەگەڕێن.

 وەزیری دەرەوەی ئێران بە ئاماژە بە ڕێوڕەسمی حەج کە وەک نمانەی یەکگرتوویی موسڵمانانە داوای لە هەموو وڵاتان کرد کە شەڕی یەمەن و کوشت و بڕی خەڵکی یەمەن، خەڵکی ناوچە وگوشار لەسەر ئەفغانستان، سووریا و لوبنان کۆتایی پێبێنن و هەمووان لە سەر سفرەی ئاسایشی ناوچەکە دانیشن، وتی: ئێمە دەمانەوێت دراوسێکانمان لە گرووپی ملهوڕی بێنە دەرەوە، چونکوو ئەم گرووپە جگە لە ملهوڕی بۆ ناوچەکە و جیهان هیچی تری نییە.

News Code 27769

نیشانەکان

بۆچوونی ئێوە

You are replying to: .
  • 1 + 2 =