ئێران بەڵێنە ناڤۆکییەکانی خۆی کەم دەکاتەوە

وەزیری دەرەوە وتی: هەنگاوی سێهەمی کەمکردنەوەی پابەندییەکانی بەرجام لە هەلومەرجی ئێستادا ئەنجام دەدرێت و تەنیا کۆماری ئیسلامییە کە سەبارەت بە ڕاپەراندن یان ڕانەپەراندنی بڕیار دەدات.

بە ڕاپۆرتی ئاژانسی هەواڵی مێهر، محەمەد جەواد زەریف لە لێدوانێکدا ڕایگەیاند: هەموو وڵاتانی ئەندامی کۆمیسیۆنی هاوبەشی بەرجام یەکلا بوونەتەوە کە ئەمریکا بۆتە مایەی هەموو بشێوییەکان و داخوازییەکانی ئێران هەر لە سەرەتاوە ڕوون و ئاشکرا بووە و چاوەروانییەکی زیاتری لە بەرجام نەبووە.

ناوبراو جەختی کرد: ئێمە وتمان ئەگەر بەرجام لە لایەن دیترانەوە بە تەواوی ڕانەپەڕێندرێت، ئێمەش بە نیوەچلی پێڕەوی دەکەین و هەڵبەت هەموو هەنگاوەکانی ئێمە لە چوارچێوەی بەرجام بووە. 

وەزیری دەرەوە بە ئاماژە بە داخوازیی هەندێک لە وڵاتانی ئەندامی ۱+۴ بۆ هەڵوەشاندنەوەی هەنگاوی سێهەمی کەمکردنەوەی پایبەندییەکانی بەرجام، وتی: ئەوە لە ئەستۆی کۆماری ئیسلامییە کە لەوبارەیەوە بڕیار بدات و بە دڵنیاییەوە ئەگەر باڵێنیی لایەنە دەرەکییەکانی بەرجام ئەنجام نەدرێت، ئەو هەنگاوە لە درێژەی هەنگاوە پێشووەکاندا دەبێت.

News Code 27726

نیشانەکان

بۆچوونی ئێوە

You are replying to: .
  • 9 + 1 =