فێستیڤاڵ و پیشانگای ناوچەیی مۆد و جلی کوردی لە سنە دەکرێتەوە

یەکەم فێستیڤاڵ و پیشانگای ناوچەیی مۆد و جلی کوردی لە سنە، ناوەندی پارێزگای کوردستان بەڕێوە دەچێت.

بە ڕاپۆرتی ئاژانسی هەواڵی مێهر، یەکەم فێستیڤاڵ و پیشانگای ناوچەیی مۆد و جلی کوردی بە ئامادە بوونی داڕێژەرانی دوورین و جلی پارێزگای کوردنشینەکان ئەمڕۆ ٦ ی گەلاوێژ لە شاری سنە دەکرێتەوە.

جەلال قەلعەشاخانی بەرپرسی گشتی ئیدارەی فەرهەنگ و ئیرشادی ئیسلامی ڕایگەیاند: ئیدارەی گشتی فەرهەنگ و ئیرشاد و ڕێکخراوی فەرهەنگی و هونەری مەستوورەی ئەردەڵان بە هاوکاری بنیاتی نەتەوەیی مۆد و جلی ئیسلامی ئێرانی و پاڵشتی جێگری کاروباری هونەری وەزارەتی فەرهەنگ و ئیرشادی ئیسلامی، یەکەم فێستیڤاڵ و پیشانگای مۆد و جلی کوردی بە ئامانجی پاسەوانی لە شوناسی نەتەوەیی و تۆکمە کردنەوەی هەستی نەتەوەیی بەڕێوە دەبات.

ناوبراو بە وتنی ئەوەی کە ٢٧٠ بەرهەم گەیشتووەتە نووسینگەی ئەو فێستیڤاڵە، ڕایگەیاند: ناوبژیوانی بەرهەمەکان لە ٢٩ ی پووشپەڕەوە لە سێ بەشی جیاواز دەستی پێکرد و بۆ ماوەی سێ ڕۆژ درێژەی هەبوو و پاش لێکدانەوەی بەرهەمەکان و ڕاگەیاندنی ئاکامەکە، هەڵبژاردەکانی هەر بەشێک دەناسرێن.

شیاوی باسە ڕێوڕەسمی کردنەوەی ئەو فێستیڤاڵە ئێوارەی ئەمڕۆ یەکشەممە ٦ ی گەلاوێژ، کاتژمێر ١٧، لە عیمارەتی خەسراوای سنە بەڕێوە دەچێت.

News Code 27631

نیشانەکان

بۆچوونی ئێوە

You are replying to: .
  • 4 + 5 =