فیلمی "تەنبێ" گەیشتە قۆناغی ڕکابەریی فێستیڤاڵی "وایتێرئێشتات"ی ئەڵمانیا

کورتە فیلمی تەنبێ لە دەرهێنانی جەلال وەیسی و بەرهەم هێنانی هاوبەشی حەوزەی هونەری کوردستان و نووسینگەی ئەنجومەنی سینەمای گەنجانی سنە گەیشتە بەشی ڕکابەریی فێستیڤاڵی نێونەتەوەیی فیلمی "فەزای کراوەی وایتێرئێشتات"ی ئەڵمانیا.

بە ڕاپۆرتی ئاژانسی هەواڵی مێهر بە گێرانەوە لە پەیوەندییە گشتییەکانی حەوزەی هونەری پارێزگای کوردستان، کرتە فیلمی "تەنبێ" لە دەرهێنانی جەلال وەیسی دەرهێنەری سنەیی و لە نووسینی سیروان کەریی لە یەکەمین ئامادەبوونی خۆی لە دێستتیڤالە ناوخۆیی و دەرەکییەکان، گەیشتە بەشی کۆتایی و ڕکابەریی چل و سێهەمین فێستیڤاڵی نێونەتەوەیی فیلمی "فەزای کراوەی وایتێرئێشتات (open Air Filmfest Weiterstadt)"ی ئەڵمانیا.

ئەو کورتە فیلمە ١١ خولەکییە، گێرانەوەیەکی بێ دیالۆگە لە دژی شەڕ و شێوە هەڵەکانی کەڵک وەرگرتن لە دەسەڵات وەک کەشێک بۆ لە ناوبردنی ئایدیا مرۆییەکان کە تێیدا "مێهران مۆکاری" ڕۆڵی سەرەکی دەگێڕێت.

هەروەها مەهدی کەرەمی ئەرکی فیلم هەڵگری، ئەرەستوو مەفاخری ئەرکی دەنگ هەڵگری و سۆران فەهیم ئەرکی تۆمارکردنی و دەنگ دانەریی "تەنبێ"یان لە ئەستۆ بووە.

شایانی باسە چل و سێهەمین فێستیڤاڵی نێونەتەوەیی فیلمی "کەشی کراوەی وایتێرئێشتات" لە ماوەی رۆژانی ٨ تا ١٢ی ئەگێست (١٧ تا ٢١ی گەلاوێژ) بۆ ماوەی ٥ رۆژی کاری لە فرانکفۆرتی ئەڵمانیا بەڕێوە دەچێت.

News Code 27295

نیشانەکان

بۆچوونی ئێوە

You are replying to: .
  • 1 + 1 =