هیچ هۆکارێک  پێوەندییەکانی هەرێمی کوردستان و ئێران تێک نادات

پارێزگاری سلێمانی بە ئاماژە بە ئەوەی کە یەکێک لە ئامانجەکانی سەفەرەکەی بۆ کوردستان هەوڵ بۆ پەرەپێدانی پێوەندییەکان لە بوارە جیاوازەکانە، وتی: هیچ گۆڕانکاریەک لە پێوەندییەکانی هەرێم و عێراق لە گەڵ ئێران دروست نەبووە و پێوەندییەکان وەکوو ڕابردووە و تەنانەت زیادیشی کردووە.

هەواڵ ئەبووبەکر لە دیمانە لەگەڵ هەواڵنێری مێهر ڕایگەیاند: سەرەڕای بوونی گەمارۆی تاک لایەنەی ئەمریکا لەسەر ئێران بەڵام هەولێر هەڵوێست و بڕیاری عێراق و دەوڵەتی ناوەندی بەغدا پەیڕەو دەکات و ئێستا پەیوەندییەکانی لە هەموو بوارەکاندا زیاتر لە جارنە.

ڕاشیگەیاند: کردنەوەی هێڵی گەشتی ڕاستەوخۆی نێوان سلێمانی-سنە، ڕێکخستنی شارۆچکەی ئابووری و بەرهەمهێنانی هاوبەشی لە نزیکی سنوورەکان، کردنەوەی سنووری سەیرانبەند و ... لە ئەو ئامانجانەیە کە لە سەفەرەکانی بەرپرسانی دوو لایەنەکە دێتە ئاراوەو شوێنگیری دەکرێت.

ناوبراو بە ئاماژە بە ئەوەی کە سلێمانی ٥٢٨ کیلۆمەتر سنووری لە گەڵ ئێران هەیە زیادی کرد: ئاسایش و ئەمنیەتی ناوچەکە پێوەندی بە هەمووانەوە هەیە و بۆ پاراستنی ئەو ئاسایشە پێویست بە هەماهەنگی هەیە کە بەختەوەرانە ئەو هەماهەنگییە لە نێوان دوو وڵاتەکە هەیە.

هەڤاڵ ئەبووبەکر سەبارەت بە کێشەکانی سنووری سەیرانبەند و سەیف وتی: ماوەیەکی زۆرە کە بۆ چارەسەری کێشەکانی ئەو دوو سنوورە هەوڵ دەدەین ە چەند جار لە گەڵ سەرۆک وەزیران و وەزیری ناوخۆی عێراق قسەمان کردووە کە لەم بارەوە ڕەزامەندی خۆیان ڕاگەیاندووە.

ئاماژەشی بەوە کرد کە هەرێمی کوردستان ئامادەیە پەیوەندی تۆکمەی فەرهەنگی و ئابووری و زانستی تۆکمەتر لەگەڵ ئێران و بە تایبەتی ناوچه کوردییەکان زیاتر لە ڕابردوو پەرەپێبدات.

News Code 27231

نیشانەکان

بۆچوونی ئێوە

You are replying to: .
  • 4 + 9 =