باوه‌ڕم نییه‌ كه‌ گیان لەدەستدانی مورسی مه‌رگێكی ئاسایی بێت

سه‌ركۆماری توركیا، سه‌باره‌ت به‌ مه‌رگی محەمەد مورسی سه‌ركۆماری هه‌ڵبژێردراوی میسر رایگه‌یاند: "باوه‌ڕم نییه‌ كه‌ ئه‌مه‌ مه‌رگێكی ئاسایی بێت".

بە ڕاپۆرتی ئاژانسی هەواڵی مێهر لە ئانادۆڵ،ره‌جه‌ب ته‌یب ئه‌ردۆغان، به‌شداریی له‌ نوێژی مردوو به‌شێوه‌ی غیابی بۆ مورسی له‌ مزگه‌وتی فاتیح كرد كه‌ به‌ پێشنوێژیی سه‌رۆكی فه‌رمانگه‌ی كاروباری ئایینی توركیا، عه‌لی ئه‌رباش ئه‌نجامدرا.

له‌دوای نوێژه‌كه‌ ئه‌ردۆغان له‌ گوتارێكدا سه‌باره‌ت به‌ مه‌رگی مورسی رایگه‌یاند: "باوه‌ڕم نییه‌ كه‌ ئه‌مه‌ مه‌رگێكی ئاسایی بێت".

هه‌روه‌ها وتی: "له‌ دانیشتنی دادگادا محه‌مه‌د مورسی بۆ لای په‌روه‌ردگارمان رۆیشت. به‌دڵنیاییه‌وه‌، ئایا ئه‌مه‌ رۆیشتنێكی ئاسایی بووه‌، یان دۆخی دیكه‌ی تێدابووه‌، یان نا، ئه‌مه‌ مایه‌ی تێڕامانه‌".

راشیگه‌یاند: "ئه‌مانه‌ هێنده‌ی ئه‌وه‌ سووكن كه‌ له‌ ته‌رمی یه‌كه‌م سه‌ركۆماری هه‌ڵبژێردراوی میسر، مورسی، بترسن".

ئەوەشی وت کە "بیرتان نه‌چێت له‌م وڵاته‌شدا سیسی-یه‌كان هه‌ن، هاوشێوه‌یان هه‌یه‌. له‌به‌رئه‌وه‌ش ناچارین كه‌ زۆر وریابین".

News Code 27008

نیشانەکان

بۆچوونی ئێوە

You are replying to: .
  • 3 + 4 =