سیاسەتی تیرۆریستی ئەمریکا شوناس و سەروەریی وڵاتان دەکاتە ئامانج

سکرتێری ئەنجوومەنی باڵای ئاسایشی نیشتمانی ئێران وتی: ئەمریکا بە هەڕەشەی نوێی ئەمنی، هەواڵگرانە، ئۆپەراسیۆنی دەروونی، سایبێری، شەڕی ئەلەکترۆنی، وردەباڵندەیی، هەڕەشەی ژینگەیی، شوناس و سەروەری نیشتمانیی وڵاتانی کردۆتە ئامانج.

بە ڕاپۆرتی ئاژانسی هەواڵی مێهر، عەلی شەمخانی لە دەیەمین کۆبوونەوەی نێودەوڵەتیی نوێنەرانی باڵای کاروباری ئەمنیی وڵاتان کە لە شاری ئۆفای ڕووسیا، وتی: ئەوڕۆکە ناوەڕۆک، بیچم و شێوەی هەڕەشەگەلی ئەمنی گۆڕاوە و بە داخەوە شایەدی پەرەسەندنی خێرای هەڕەشەگەلی نوێ و ئاوێتەیی (هیبریدی) لە جیهانین.

وتیشی: هەڕەشەگەلی نوێی ئەمنی سنووری زەوینی، ئاسمانی و دەریایی تێپەڕاندووە و ئەوڕۆکە ڤایرۆسێکی نەرم ئامێری دەتوانێ کاری چەكیکی ناڤۆکی بکات.

شەمخانی لە درێژەدا بە ڕەخنە لە ئەمریکا وەک شەڕخوازترین وڵات لە درێژەی مێژوو، جەختی کرد: ئەمریکا ئاسایشی سیستەمی نێودەوڵەتیی بە شێوەی یەک لایەنە و لە رێگەی گەمارۆگەلی سەرووسنووری، ناسەقاگیر کردووە و سیستەمی دراوی و بانکی و تۆڕی دارایی نێودەوڵەتی وەک چەکێک بۆ هێرش کردنە سەر وڵاتانی سەربەخۆی ژێر هێژمۆنیای خۆی بە کار دێنێت و وەزارەتی خەزێنەی ئەمریکا بۆتە وەزارەتی جەنگ.

ناوبراو وێرای ڕەخنە لە ئەمریکا بۆ بە تیرۆریزم ناساندنی بەشێک لە سوپای کۆماری ئیسلامی ئێران ، جەختیشی کرد: پێویستە وڵاتانی جیهانی بە داڕشتنی میکانیزمێکی چەند لایەنە لە بەرامبەر ئەو دێوەزمە دڕندەیە بەوەستن و تێکی بشکێنن.

سکرتێری ئەنجوومەنی باڵای ئاسایشی نیشتمانی ئێران لە درێژەدا پێشنیارگەلێکی بۆ بەرەنگاربوونەوەی هەڕەشەی ئاوێتەیی ئاراستە کرد کە بریتین لە: ١) هەوڵی هاوبەش بۆ ئازادکردنی ئابووریی جیهان لە قۆرخەگەریی دۆلار و ڕەخساندنی هەلی سەربەخۆیی لە سیستەمی دراوی و بانکی جیهان لە دەرەوەی هێژمۆنیای ئەمریکا، ٢) ڕاوەستن لە بەرامبەر دەستێوەردان، زەخت، باجگرتنی ئابووریی ئەمریکا لە پێناو جێگر کردنی ئاسایش و ئاشتی نێودەوڵەتی، ٣) بە فەرمی نەناسین و بەرەنگاربوونەوەی گەمارۆگەلی سەروو وڵاتیی دەوڵەتی ئەمریکا لە دژی وڵاتان بە بەڕێوەبردنی دانیشتنی نێودەوڵەتی و سازدانی میکانیزمی هەمیشەیی بۆ بەرەنگاربوونەوەی ئەمریکا بە بەشداری و ئامادەبوونی وڵاتانێک کە دژی گەمارۆ یەک لایەنەکانی ئەمریکان و ٤) یارمەتیی هاوبەش بە وڵاتانێک کە کەوتوونەتە ژێر هەڕەشەگەلی نوێی ئەمنی، بە تایبەت لە هەلومەرجی ئێستادا یارمەتی دانی دەوڵەتی یاسایی مادورۆ لە ڤێنزۆئیلا لە بەرامبەر دەستێوەردانە تێکدەرەکانی ئەمریکا پێویستە.

News Code 27005

نیشانەکان

بۆچوونی ئێوە

You are replying to: .
  • 3 + 8 =