بمانەوێت ڕێگری لە هەناردەی نەوت بکەین لە کەس ناترسین

سەرۆکی ئەرکانی گشتی هێزە سەربازیییەکانی ئێران وتی: ئەگەر ئیرادە بکەین کە ڕێگر بین لە هەناردە کردنی نەوت لە کەنداوی فارسەوە، ئیرادەکەمان بە ڕاشکاوانە ڕادەگەیێنین.

بە ڕاپۆرتی ئاژانسی هەواڵی مێهر، سەرلەشکەر موحەمەد باقری سەرۆکی ئەرکانی گشتی هێزە سەربازیییەکانی ئێران ڕایگەیاند: کۆماری ئیسلامی ئێستا لە گەڵ دوژمنانێکی بێ ئەخلاق و فریودەر وەکوو ئەمریکا بەرەوڕوویە کە لە لایەکەوە گوشارەکان لە سەر ئێران زیاد دەکاتەوە و لە لایەکی ترەوە باس لە دانوستان دەکات؛ واتا ستراتیژی زیاترین گوشار و دروشمی دانوستان کە ئەوە ستراتیژی مەترسیداری دوژمنە کە ئێمە لە گەڵی بەرەوڕووین.

وتیشی: ئەمریکا و هاوپەیمانەکانی دەنگۆگەلێک لە سەر رووداوەکانی ئەم دواییەی کەنداوی فارس بڵاو دەکەنەوە و تۆمەت دەدەنە پاڵ ئێران؛ کەواتە ئەوان ئەبێ ئەو ڕاستییە بزانن کە کۆماری ئیسلامی ئێران ئەگەر بیەوێت بەر بە هەناردە کردنی نەوت لە کەنداوی فارسەوە بگرێت، بە هۆی بەهێز بوونی وڵات و هێزە چەکدارەکان، ئەو بڕیارە بە تواوەتی و ڕوون ڕادەگەیێنێت.

News Code 26990

نیشانەکان

بۆچوونی ئێوە

You are replying to: .
  • 8 + 5 =