ترامپ هەوڵی ئازادکردنی ئەمریکییە جەنایەتکارەکانی ناو عێراق دەدات

سەرۆک کۆماری ئەمریکا بە دوای ئازادکردنی ژمارێک لە هێزەکانی ئەمریکاوەیە کە لە شەڕی عێراقدا تووشی تاوانی جەنگی هاتوون و لە لایەن دادگەکانی ئەمریکاوە حوکم سزایان پێدراوە.

بە ڕاپۆرتی ئاژانسی هەواڵی مێهر، دوو بەرپرسی ئەمریکی کە نەیانویست ناویان ئاشکرا بێت لە لێدوانێک بۆ رۆژنامەی ئێعتماد ئانلاین ڕایانگەیاند: دۆناڵد ترامپی سەرۆک کۆماری ئەمریکا لە جێگران و یارمەتیدەرانی خۆی داوای بەڵگەگەلی هاوپەیوەند بە لێبوردنی ژمارێک لە سەربازانی سوپای ئەمریکیی کردووە کە کە لە شەڕی عێراقدا تووشی تاوانی جەنگی هاتوون و لە لایەن دادگەکانی ئەمریکاوە حوکمیان پێدراوە.

ڕاشیانگەیاند: کاتی داواکاریی ئەو بەڵگانە نیشان دەدا کە سەرۆک کۆمار دەیەوێت ئەو سەربازانە لە ٢٨ی ئەم مانگە و هاوکات لە گەڵ رۆژی بیرئانینی ئەمریکا ئازاد بکات.

یەک لەو کەسانە بەڵگەی ئازادی و لێبوردنی بۆ داوا کراوە ئێدوارد گالاگێر فەرماندەی ئۆپەراسیۆنی تایبەتیی چەکدارانی دەریاییە کە بڕیارە لە ماوەی چەند حەوتەی داهاتوو بە تاوانی کوشتنی بە ئانقەستی تاقمێک خەڵکی سڤیل و کوشتنی کەسێکی بە دیل گیراوە بە چەقۆ، دادگەیی بکرێت.

هەروەها بەشێک لە ئەندامانی کۆمپانیای بلاک واتێریش لە لیستی داواکارییەکانی سەرۆک کۆمارین.

News Code 26874

نیشانەکان

بۆچوونی ئێوە

You are replying to: .
  • 5 + 10 =