پێشێل کردنی سنووری عێراق بە کردەی سەربازی قبووڵ ناکەین

سەرۆک کۆماری عێراق جەختی کردە سەر رەتکردنەوەی ھەر کردەیەکی سەربازی تاکلایەنە کرده‌وه‌ کە پێشێلی سنوری عێراق بکات.

بە ڕاپۆرتی ئاژانسی هەواڵی مێهر، بەرهەم ساڵح ، سەرۆک کۆماری عێراق و رەجەب تەیب ئەردۆغان، سەرۆک کۆماری تورکیا ئێوارەی دوێنێ لە کۆشکی کۆماری تورکیا لە ئەستەنبۆڵ کۆبوونه‌وه‌.

هەر دوو سەرۆک دۆخی سیاسی ناوچه‌که‌ و په‌یوه‌ندی دووقۆڵی نێوان عێراق و تورکیایان تاوتوێ کرد و جەختیان لە گرنگی ھاریکاری و دیالۆگی جددی کردەوە.

بەپێی راگەیەندراوێکی نووسینگەی رۆژنامەوانی سەرۆکایەتی کۆماری عێراق، هەردوولا باسیان لە گۆڕانکاری و پێشھاتەکانی ئەم دواییەی ناوچەکە کردووە.

سەرۆک کۆماری عێراق جەختی لە پارستنی سەروەری خاکی عێراق و رەتکردنەوەی ھەر کردەیەکی سەربازی تاکلایەنە کرده‌وه‌ کە سنووری وڵاتەکەی پێشێل بکات.

رونیشیکرده‌وه‌ ده‌سته‌به‌رکردنی  ئاسایشی ھاوبه‌ش له‌ رێگه‌ی هه‌ماهه‌نگی  نێوان ھەر دوولا و وڵاتانی ناوچەکەوه‌ دابین ده‌کرێت.

News Code 26717

نیشانەکان

بۆچوونی ئێوە

You are replying to: .
  • 4 + 7 =