۲۴۹ فەرمانبەری تورکیا بە تۆمەتی پەیوەندی لەگەڵ گولەن دەستگیر کران

داواکاری گشتی ئەنقەرە بڕیاری دەستگیركردنی بۆ ۲۴۹ فەرمانبەری وەزارەتی دەرەوەی وڵاتەكە دەركردووە بەتۆمەتی پەیوەندیان بە فەتحوڵا گولەن.

بە راپۆرتی ئاژانسی هەواڵی مێهر، نوسینگەی داواكاری گشتی ئەنقەرەی پایتەختی تورکیا رایگەیاند: بڕیاریداوە بە دەستگیركردنی ۲۴۹ فەرمانبەری وەزارەتی دەرەوەی وڵاتەكەی.

ئاماژەی بەوەشكردوە کە لەمیانی چالاكیەكانیاندا لە ۴۳ ناوچەی تورکیا تا ئێستا ۷۸ كەسیان لەو تۆمەتبارانە دەستگیركردووە و پۆلیسی وڵاتەكەش بەردەوامە لە گەڕان بەدوای ئەوانی دیكەدا.

ئەمە لەحاڵێکدایە کە پۆلیسی تورکیا دەڵێت: "۱۵۰ هەزار فەرمانبەری حكومی و سەربازی سوپای ئەو وڵاتە بە تۆمەتی تێوەگلان لە كودەتا شكستخواردوەكەی ساڵی ۲۰۱۶ لە كارەكانیان دورخراوەنەتەوە و دەستگیركراون".

فەتحوڵا گولەن، رێبەری رەوتی خزمەت، لە ساڵی ۱۹۹۹ ەوە تا ئێستا لە ویلایەتی  پێنسیلڤانیای ئەمریکا نیشتەجێیە، دوای ئەوەی ساڵی ۲۰۱۶ هەوڵدرا كودەتایەكی سەربازی لە توركیا ئەنجام بدرێت، تورکیا ئەو بە تۆمەتباری ئەو کوودەتا دەزانێت.

هاوکات فەتحوڵا گولەن ڕەتیكردوەتەوە كە پەیوەندی هەبوبێت بە كوودەتا سەربازییەكەی ساڵی ۲۰۱۶ی توركیاوە.

News Code 26581

نیشانەکان

بۆچوونی ئێوە

You are replying to: .
  • 5 + 5 =