گەمارۆی نەوتی ئەمریکا بۆ سەر ئێران شکست دەهێنێت

وەزیری بەرگری و پشتیوانیی هێزی سەربازی ئێران، گەمارۆی نەوتی و داسەپانی سزای ئابووری بە پیلانێکی دیکەی ئەمریکا لە دژی گەلی ئێران زانی و وتی: پیلانی دوژمنان لەو بوارەشدا شکست دەهێنێت.

بە ڕاپۆرتی ئاژانسی هەواڵی مێهر، ئەمیری سەرتیپ ئەمیر حاتەمی وەزیر بەرگری و پشتیوانیی هێزی چەکداری لە کۆڕبەندی بەڕێوەبەرانی باڵای دامەزراوەی هەرەوەزی وەزارەتی بەرگری، وێرای نرخاندنی هەوڵی هەموو ڕێکخراوەکانی وەزارەتی بەرگری لە یارمەتیگەیاندن بە لافاولێدراوان، ڕایگەیاند: ئامانج لە ڕاگەیاندنی بەرتەسکی خزمەتگەیاندنی وەزارەتی بەرگری نیشاندەری هەوڵی ئەو هێزانە بۆ دامرکاندنی خەم و ئازاری لافاو لێدراوان و بەرزکردنەوەی ورەی خێراخوازیان بووە.

ئەمیر حاتەمی لە درێژەدا بە ئاماژە هەوڵی ئەمریکا بۆ بە تیرۆریست ناساندنی سوپا، وتی: سوپا بەردەوام یەکێک لە پێشڕەوترین پێشەنگەکانی بەرەنگاربوونەوەی تیرۆریزم لە رۆژئاوای ئاسیا بووە.

وەزیری بەرگری هەروەها ئاماژەی بە پرسی گەمارۆی فرۆشی نەوتی ئێران و تەنگەژەنانەوە لە بەردەم ئابووریی ئێران وەک پیلانێکی دیکەی ئەمریکا کرد و ڕاشیگەیاند: سەرکەوتنی خودایی هەموو قۆناغەکاندا و لەوان ویشکەساڵی، ڕووداوی تەبەس و شەڕی داسەپاوەی بەرەڤانی پیرۆز بەردەوام تایبەت بە گەلی سەربەرزی ئەم وڵاتە بووە و ئەمجارەش لە سای فەیزی خوداوەندی پیلانی دوژمنان شکست دەهێنێت.

ناوبراو لە درێژەدا گەمارۆگەلی ٤٠ ساڵەی لە کەرتی بەرگریی وڵاتی بیرهێنایەوە و وتیشی: زۆربەی پێشکەوتنەکان لە پیشەسازیی بەرگری وڵات لە بوارە جۆراوجۆرەکانی زەوینی، دەریایی، ئاسمانی و ئەلەترۆنی لە هەلومەرجی گەمارۆ و نەبوونی کەمترین ئیمکاناتدا مسۆگەر بووە.

News Code 26330

نیشانەکان

بۆچوونی ئێوە

You are replying to: .
  • 3 + 3 =