یەکەمین فستیڤاڵی میدیا کوردییەکانی ئێران لە سنە دەستیپێکرد

پیشانگای یەکەمین فستیڤاڵی میدیا کوردییەکانی ئێران بە ئامادەبوونی بەرپرسانی باڵای پارێزگای کوردستان لە شاری سنە کرایەوە.

بە ڕاپۆرتی هەواڵنێری مێهر, پێش نیوەڕۆی ئەمڕۆ یەکشەمە ۸ی گوڵان پیشانگای تایبەت بە یەکەمین فستیڤاڵی میدیا و ڕاگەیاندنه کوردییەکانی ئێران بە بەشداریی دەیان ڕۆژنامە , گۆڤار , میدیا و ماڵپەڕی کوردی دەستیپێکرد.

لەڕێوڕەسمی کردنەوەی ئەم پیشانگا دوکتۆر حسێن فیرووزی جێگری پارێزگاری کوردستان و دوکتۆر موختار هاشمی ، مامۆستای زانکۆی کوردستان و جەلال قەلعە شاخانی سەرۆکی دایرەی گشتی فەرهەنگ و ئیرشادی ئیسلامی کوردستان بەشدار بوون.

بەرێوەبەری یەکەمین فستیڤاڵی میدیا کوردییەکان لە رێوڕەسمی کردنەوەی پیشانگای تایبەت بە میدیا و ڕاگەیاندنی کوردی کە لە پەراوێزی فستیڤاڵەکە بەڕێوەدەچێت، وتی: میدیا و چاپەمەنییەکانی چوار پارێزگای کوردستان، کرماشان، ئیلام و ئازەربایجانی ڕۆژاوا لەم  پیشانگایەدا بەشدارن.

شیروان یاری ڕایگەیاند: ئامانج لە بەڕێوەبردنی ئەم پیشانگا گەشەپێدانی دیالۆگی میدیای کوردی و خەسار ناسی چاپەمەنییە کوردییەکانە.

چەندین میوان لە هەرێمی کوردستان و تورکیاش بەشداریی  ئەم فستیڤاڵەیان کردووە و تا ڕۆژی ۱۰ی گوڵان بەردەوام دەبێت.

پێشتر جێگری فەرهەنگی ئیدارەی گشتی فەرهەنگ و ئیرشادی ئیسلامی کوردستان لە ناردنی ٨٩٩ ئاسەوار بۆ یەکەم فێستیڤاڵی مێدیا کوردییەکان هەواڵی دا و وتی: لە ئەو ڕێژەیە ٨٨٤ بەرهەم قبووڵ کراوە.

News Code 26251

نیشانەکان

بۆچوونی ئێوە

You are replying to: .
  • 8 + 1 =