سازی هونەرمەندانی کورد بۆ یارمەتی لافاولێدراوەکان کۆک کرا

ئۆرکێستر فیلارمۆنیکی پارێزگای کوردستان بە هاوڕێیی دوو هونەرمەندی بەناوبانگ عادڵ نادری و داریووش گوودەرزی کۆنسێرتی خێرخوازانەیان بۆ یارمەتیدانی لافاولێدراوەکانی ئێران بەڕێوە برد.

بە ڕاپۆرتی ئاژانسی هەواڵی مێهر، شەوی ڕابردوو پەردیسی سینەمایی بەهمەنی سنە بە پاڵپشتی حەوزەی هونەری پارێزگای کوردستان میوانداری بەڕێوە چوونی کۆنسێرتی خێرخوازی ئۆرکێستر فیلارمۆنیکی کوردستان بۆ یارمەتی گەیاندن بە لافاولێدراوەکانی ئێران بوو.

لە ڕەوتی بەڕێوە چوونی ئەو کۆنسێرتە خێرخوازییە کۆمەڵێک لە هاووڵاتیانی سنەیی بە کڕینی بلیت و هەروەها کۆ کردنەوەی یارمەتی نەختی و کەلوپەل جارێکی تر هەستی مرۆڤدۆستی خۆیان بە خەڵکی خەسار لێدراوی ئێران نیشان دا.

ئۆرکێستر فیلارمۆنیکی کوردستان بە رێبەری مەهدی ئەحمەد چەندین ساڵە کە لە کوردستان چالاکی دەکەن و ئەم جارەش سازەکانی ئەو گرووپە بۆ یارمەتی خەڵکی سنە بە خەڵکی لافاولێدراو کۆک کرا.

عادڵ نادری و داریووش گوودەرزی دوو هونەرمەندی بەناوبانگی پارێزگای کوردستانیش وەکوو گۆرانیبێژ کۆنسێرتی ئۆرکێستر فیلامۆنیکی کوردستانیان هاوڕێی کرد.

ڕێبەریی ئۆرکێستری فیلارمۆنیکی کوردستان لە ئەستۆی هونەرمەندی ناسراوەی کورد، "مەهدی ئەحمەدی"یە.

News Code 26059

نیشانەکان

بۆچوونی ئێوە

You are replying to: .
  • 2 + 1 =