کۆنسێرتی ئۆرکێستر فیلارمۆنیکی کوردستان بۆ یارمەتیدانی لافاولێدراوان

ئۆرکێسترای فیلارمۆنیکی کوردستان بڕیارە بە هاوکاریی حەوزەی هونەری کوردستان، کۆنسێرتێک بۆ یارمەتی دان بە لێقەوماوان و لافاولێدراوانی وڵات بەڕێوە ببات.

بە راپۆرتی ئاژانسی هەواڵی مێهر، ئەمین مورادی سەرۆکی حەوزەی هونەریی کوردستان لەوبارەوە ڕایگەیاند: ئۆرکێستر فیلارمۆنیکی کوردستان وەک یەکێک لە لێهاتووترین گرووپگەلی ئۆرکێستراڵی وڵات، لە پێناو یارمەتی گەیاندن بە لێقەوماوان و بەرکەوتووانی لافاوەکەی رۆژانی ڕابردوو لە پارێزگاکانی گوڵستان، لورستان و خوزستان، بە زوویی و هاوکات لە گەڵ حەوتەی هونەریی شۆڕسی ئیسلامی، بە هاوکاریی حەوزەی هونەری کوردستان کۆنسێرتێک لە هۆڵی پەردیسی سینەما بەهمەنی شاری سنە بەڕیوە دەبات.

ڕاشیگەیاند: ئۆرکیستر فیلارمۆنیکی کوردستان لەو کۆنسێرتەدا بە رێبەریی مامۆستا مەهدی ئەحمەدی و گۆرانیبێژیی عادڵ نادری و داریووش گوودەرزی دوایین داڕشتەگەلی مۆسیقایی ئاراستە دەکات.

مورادی لە کۆتاییدا هیوای خواست خەڵکی کوردستان و خێرخوازان بە بەشداری و پێشوازیی بێ وێنەیان لەم هەنگاوە مرۆییەدا، دەستی باڵایان هەبێ لە کۆکردنەوەی یارمەتییەکی زیاتر بۆ لافاولێدراوان بە تایبەت خەڵکی لێقەوماوی پارێزگاکانی لورستان و خوزستان.

News Code 25917

نیشانەکان

بۆچوونی ئێوە

You are replying to: .
  • 5 + 8 =