بازرگانی ۲۰ میلیارد دۆلاری لەگەڵ عێراق/ شارۆچکەی پیشەیی ئێران و هەرێمی کوردستان دەکرێتەوە

سەرۆک کۆماری ئێران وتی: خاڵی ئامانجی ئێمە لە بازرگانی لەگەڵ عێراق ۲۰ میلیارد دۆلارە کە هیوادراین بە هەوڵی دوولایەن بەم ئامانجە گرینگە بگەین.

بە ڕاپۆرتی ئاژانسی هەواڵی مێهر، ڕۆحانی نیوەڕۆی ئەمڕۆ شەمە لە کۆنفڕانسی هاوبەشی ڕۆژنامەوانی لەگەڵ سەرۆک وەزیرانی عێراق ڕایگەیاند: پەیوەندی نێوان دوو گەلی ئێران و عێراق تۆکمەیە و مێژووی چەند ساڵەی هەیە و هیواداراین لە داهاتوودا ئەم پەیوەندیانە زیاتریش بێتەوە.

 ڕۆحانی جەختی کرد: بابەتێکی زۆر گرینگی ئەمڕۆی ئێمە جیبەجێ کردنی سەرجەم رێککەوتنەکان بوو لە نێوان دوو وڵات کە لە سەفەری من بۆ بەغدا ئەنجام درا.

وتیشی: یەکەمین ڕێککەوتنی ئێمە کە تا بە ئیمڕۆ جێبەجێ کراوە بە بەلاش کردنی ڤیزا لە نێوان ئێران و عێراقە کە هیواداراین خەڵکی هەر دوو وڵات کەڵک لەم نیعمەتە ببەن.

 سەرۆک کۆماری ئێران ڕایگەیاند: تا کۆتایی مانگی ڕەمەزان ئەروەند ڕوود خاوێن دەکەینەوە.

ڕاشیگەیاند: پێکەوە لکاندنی ڕێگای ئاسنی نێوان ئێران و عێراق گەڵاڵەیەکی گرینگە کە هیوادارین لە داهاتوودا ڕێگای جۆراوجۆری بۆ بکرێتەوە بەڵام ئێستا دوولایەن جەختیان لەسەر کردنەوەی ڕێگای ئاسنی شەلەمچە و بەسرە یە و بە زووترین کات ئەمە ئەنجام دەبێت.

زیادیشی کرد کە پەیوەندی دراوی و بانکی ئێران و عێراق بەهێزتر دەبێتەوە و بەرنامەی هەناردەی کارەبا، گاز و لە داهاتوودا نەوت بۆ عێراق بەردەوام دەبێت.

ڕۆحانی ڕایگەیاند کە دوو وڵات رێککەوتوون کە شارۆچکەی پیشەیی هاوبەش لە نێوان ڕۆژاوای ئێران و هەرێمی کوردستان بکەنەوە و ئەمە ئێستا کەوتووەتە یەکمایەتی بەرنامەکانی دەوڵەتی ئێران و عێراق.

وتیشی: پرسی ئاسایش بۆ هەر دوو وڵات گرینگایەتی هەیە و ئیمە لە بوارەکانی، سنوور، بەرەنگاریی لەگەڵ تیرۆریزم، مادەی هۆشبەر و قاچاخ هاوکاری باشمان هەیە و هیوادارایشین ئەم پەیوەندیانە زیاتر بێتەوە. ئەمرۆیش لەمبارەوە لە نێوان وەزیرانی ناوخۆی دوو وڵات دانوستان بۆ بەرەنگاریی بەهێزتر دژی تیرۆریزم ئەنجام  دەبێت ، هەندێ جار لە سنووری هەرێمی کوردستان و باکووری ڕۆژاوای ئێران کێشە هەیە و بێ گومان دەبێت بە هاوکاری لەگەڵ یەکتر ڕێگری لەم کێشە بکەین.

 لە کۆتاییشدا سەرۆک کۆماری ئێران جەختی کرد کە گوڵان بەشی دانەبڕاوی سووریایە و هەروەها قودس پایتەختی هەمیشەیی فەلەستینە و عێراق و ئێران لەم بابەتانەدا هاوهەڵوێستن.

News Code 25887

نیشانەکان

بۆچوونی ئێوە

You are replying to: .
  • 6 + 2 =