ئێران ۸۰۶ تۆن ماده‌ی هۆشبه‌ری له‌ ساڵی ۲۰۱۸ دۆزیوه‌ته‌وه‌

سه‌رۆکی ڕێکخراوی دژ به‌ ماده‌ی هۆشبه‌ری ئێران وتی: ته‌نیا له‌ ساڵی ۲۰۱۸ له‌ میانه‌ی یه‌ک هه‌زار و ۵۵۷ ئۆپراسیۆن، ۸۰۶ تۆن ماده‌ی هۆشبه‌ر له‌ ئێران ده‌ستی به‌سه‌ردا گیراوه‌.

به‌ ڕاپۆرتی ئاژانسی مێهر له‌ ماڵپه‌ڕی ڕاگه‌یاندنی دژ به‌ ماده‌ی هۆشبه‌ر، سه‌ردار ئیسکه‌نده‌ر مومنی له‌ میانه‌ی سه‌ردان بۆ ڕووسیا و دیدار له‌گه‌ڵ لێژنه‌یه‌کی ڕووسی وتی: له‌ ساڵی ۲۰۱۸ زایینی ۱۸ هێزی پۆلیسی ئێران له‌ شه‌ڕی دژ به‌ ماده‌ی هۆشبه‌ر شه‌هید بوون. ئێران به‌ ته‌نیایی ۷۶ له‌ سه‌دی تریاک له‌ ئاستی جیهان و ۶۷ له‌ سه‌د له‌ مۆرفین و ۱۷ له‌ سه‌دی هرۆئینی جیهانی ده‌دۆزێته‌وه‌ و ده‌ستیان به‌سه‌ردا ده‌گرێت.

ئه‌و زیادی کرد: ساڵانه‌ نزیک به‌ یه‌ک ملیار دۆلار بۆ داخستنی سنووره‌کان و دژایه‌تی تڕانزیتی ماده‌ی هۆشبه‌ر له‌ ڕۆژهه‌ڵاتی ئێرانه‌وه‌ بۆ ڕۆژئاوا سه‌ره‌ف ده‌کرێت، تاکوو ئێسته‌ش ۳ هه‌زار و ۸۱۱ هێزی لێهاتووی ئێران له‌ شه‌ڕی دژ به‌ قاچاخچییه‌کانی ماده‌ی هۆشبه‌ر شه‌هید بوون.

سه‌رۆکی دژ به‌ ماده‌ی هۆشبه‌ری ئێران وتی: به‌ هۆی سه‌خت گیری و کاریگه‌رییه‌کانی ئێران قاچاخچییه‌کان ناچار بوون له‌ ڕێگه‌ی ده‌ریاوه‌ کاری قاچاخ ئه‌نجام بده‌ن.

شایانی باسه‌ که‌ له‌م دیداره‌ ژنراڵ پلۆتینیکۆف، سه‌رۆکی ناوه‌ندی ڕؤژهه‌ڵات ناسی ڕووسیا وتی: هێزه‌کانی پۆلیسی ئێران له‌ شه‌ڕی دژ به‌ ماده‌ی هۆشبه‌ر له‌ هه‌موو هێزه‌کانی ئه‌فغانستان باشتر و چالاک تر بوون.

هه‌روه‌ها له‌م دیداره‌ هه‌ر دوو لا سه‌باره‌ت به‌ په‌ره‌دان به‌ په‌یوه‌ندی نێوان هه‌ر دوو وڵات بۆ دژایه‌تی کردنی ماده‌ی هۆشبه‌ر گفتوگۆ کرا.

News Code 25517

نیشانەکان

بۆچوونی ئێوە

You are replying to: .
  • 1 + 14 =