هه‌ره‌س هێنانی به‌فر ڕێگای هه‌ورامان بۆ پاوه‌ی داخست

سه‌رۆکی ناوه‌ندی به‌رێوه‌به‌رایه‌تی ڕێگاکانی ئیداره‌ی گشتی ڕێگاوبان و گواستنه‌وه‌ و گه‌یاندنی کوردستان له‌ هاتنی هه‌ره‌س له‌ ڕێگای نێوان سه‌وڵاوا بۆ شاری پاوه‌ (ناوچه‌ی هه‌ورامان)هه‌واڵی دا.

دانش زه‌ندی له‌ گفتوگۆ له‌گه‌ڵ هه‌واڵنێری مێهر وتی: به‌ هۆی هاتنی به‌فری قورس له‌ ڕۆژاوای ئێران، له‌ ناوچه‌ی هه‌ورامان هاتنی هه‌ره‌س ڕاپۆرت کراوه‌.

زه‌ندی رایگه‌یاند: هه‌ره‌س هاتن له‌ ڕێگا نیوان سه‌وڵاوا بۆ پاوه‌ بووه‌ته‌ هۆی دروست کردنی کێشه‌  له‌ هاتوچووی خه‌ڵک و ئۆتۆمبێله‌کان  و هێشتا زانیاری زۆر وردیشمان له‌ گه‌وره‌یی هه‌ره‌سه‌که‌ به‌ ده‌سته‌وه‌ نییه‌.

راشیگه‌یاند که‌ گرووپه‌کانی پاک کردنه‌وه‌ی ڕێگاوبان نێردراونه‌ته‌ ناوچه‌که‌ و له‌ ئێستاشدا له‌و ده‌ڤه‌ره‌ به‌فر و کڕێوه‌ زۆر قورسه‌ و هه‌ر ئه‌مه‌ کێشه‌ بۆ پاک کردنه‌وه‌ی رێگاکان له‌ به‌فر دروست ده‌کات.

ئاماژه‌شی دا که‌ سه‌رجه‌م ڕێگاکانی پارێزگا کراوه‌یه‌ به‌ڵام به‌ هۆی به‌سته‌ڵک خستنی ڕێگاوبانه‌کان هاتوچوو ته‌نیا به‌ زنجیر و که‌ره‌سته‌ی پێویستی ته‌گه‌ره‌ی ئۆتۆمبێل ده‌کرێت.

و پێش بینیمان ئه‌وه‌یه‌ رێگای زۆربه‌ی گونده‌کانی ناوچه‌ شاخاوییه‌کانی پارێزگای کوردستان داخرابێت به‌ هۆی بارینی به‌فر و کرێوه‌.

News Code 25480

نیشانەکان

بۆچوونی ئێوە

You are replying to: .
  • 5 + 12 =