۸۳۱ هه‌زار دۆلار قاچاق له‌ کوردستان دۆزراوه‌ته‌وه‌

سه‌رۆکی لێژنه‌ی قاچاخی کوردستان وتی: له‌ ۱۱ مانگی ڕابردوو، ۸۳۱ هه‌زار دۆلار قاچاق له‌ کوردستان دۆزراوه‌ته‌وه‌.

به ڕاپۆرتی ئاژانسی مێهر، عه‌لی خوداوه‌یسی وتی: له‌م ماوه‌یه‌  ۲۵۶ هه‌زار و ۵۸۳ بتڵ کحۆلیات دۆزراوه‌ته‌وه‌ که‌ ۴۰ له‌ سه‌د به‌ نیسبه‌ت ساڵی پێشوو زیادی کردووه‌.له‌م ماوه‌ یه‌ک ‌ملیۆن و ۲۹۴ هه‌زار و ۶۰۰ جۆر که‌ل و په‌لی مکیاج ده‌ستی به‌ سه‌ردا گیراوه‌ که‌ ۷۵ له‌ سه‌د که‌می کردووه‌.

ئه‌و زیادی کرد: له‌م ۱۱ مانگه‌ ۴ ملیۆن و ۱۰۴ هه‌زار جۆر ده‌رمان دۆزراوه‌ته‌وه‌ که‌ به‌ نیسبه‌ت ساڵی ڕابردوو ۴۰ له‌ سه‌د که‌می کردووه‌. برنج به‌ ۷۱۴ له‌ سه‌د، سوته‌مه‌نی به‌ ۳۴۵ له‌ سه‌د، پارچه به‌ ۱۰۷ له‌ سه‌د و چایی به‌ ۸۹ له‌ سه‌د قاچاخیان زیادی کردووه‌ و زیاتر ده‌ستیان به‌سه‌ردا گیراوه‌.

خوداوه‌یسی وتی: سه‌باره‌ت به‌ گواستنه‌وه‌ی ئاژه‌ڵ هێشتا کێشه‌ هه‌یه‌ که‌ ده‌بێت چاره‌سه‌ر بێت تاکوو به‌ر به‌ قاچاخی بگیردرێت. ئه‌گه‌رچی له‌ ڕووی قاچاخی ئاژه‌ڵانه‌وه‌ کوردستان تۆمه‌تبار ده‌کرێت به‌ڵام ڕاست نییه‌ و تاکوو به‌لگه‌ی پێویست نه‌خرێته‌ به‌رده‌ست نابێت مێدیایی بکرێت.

هه‌روه‌ها سه‌ید نه‌جیب حسه‌ینی، به‌ڕێوه‌به‌ری ته‌عزیراتی کوردستان وتی: له‌ کوردستان ئه‌گه‌ر قاچاخی ئاژه‌ڵیش بوونی هه‌بێت به‌ ئۆتۆمبیل نییه‌ به‌ڵکو له‌ ڕێگه‌ی ده‌ره‌تانه‌کانی سه‌ر سنووره‌کانه‌ که‌ به‌ هۆی به‌فری زۆر ئێسته‌ ئه‌مه‌ش ئیمکانی نییه‌. ئێمه‌ ده‌مانه‌وێت جێبه‌جێ کردنی ئاژه‌ڵه‌کان به‌ به‌ڵگه‌نامه‌ له‌ لایه‌ن ئیداره‌ی کشت و کاڵییه‌وه‌ ئه‌نجام بێت تاکوو به‌ر به‌ قاچاخی بگیردرێت.

ئه‌و زیادی کرد: ئه‌مساڵ ۱۱۹ که‌یسی قاچاخی ئاژه‌ڵه‌کان بوونی بووه‌ که‌ سه‌رجه‌م ۲ هه‌زار و ۷۴۹ سه‌ر ئاژه‌ڵ به‌م هۆیه‌وه‌ گیراوه‌ و سه‌ربڕدراوه‌. له‌ مێدیاکان وا باس ده‌کرێت که‌ قاچاخی ئاژه‌ڵ زیاتر له‌ کوردستانه‌ به‌ڵام ئه‌مه‌ ڕاست نییه‌. ئێمه‌ ده‌بێت ئاژه‌ڵداره‌کان ڕازی بکه‌ین که‌ بچن به‌ڵگه‌ له‌ ئیداره‌ی کشت و کالی وه‌ربگرن که‌ چی دیکه‌ کێشه‌ ساز نه‌بیت.

News Code 25298

نیشانەکان

بۆچوونی ئێوە

You are replying to: .
  • 6 + 11 =