ڕۆحانی ده‌ست له‌ کارکێشانه‌وه‌ی زه‌ریفی قبووڵ نەکردووە

سه‌رۆکی نووسینگه‌ی سه‌رۆک کۆماری ئێران ڕه‌تی کرده‌وه‌ که‌ سه‌رۆک کۆماری ئێران ده‌ست له‌ کارکێشانه‌وه‌ی محه‌مه‌د جه‌واد زه‌ریفی قبوڵ کردبێت.

به‌ ڕاپۆرتی ئاژانسی مێهر، مه‌حموود واعزی له‌ تویتر نووسی: ئه‌م هه‌واڵه‌ که‌ سه‌رۆک کۆماری ده‌ست له‌ کارکێشانه‌وه‌یه‌کی دوکتور زه‌ریفی قبوڵ کردووه‌ به‌ تووندی ڕه‌ت ده‌که‌ینه‌وه‌.

دوای ئه‌وه‌ی که‌ هه‌واڵی ده‌ست له‌ کارکێشانه‌وه‌ی محه‌مه‌د جه‌واد زه‌ریف بڵاو بوویه‌وه‌، هه‌واڵێک ڕاگه‌یه‌ندرا که‌ سه‌رۆک کۆماری ئێرانیش ئه‌م داواکارییه‌ی وه‌زیری ده‌ره‌وه‌ی ئێرانی قبوڵ کردووه‌.

شایانی باسه‌ که‌ وه‌زیری ده‌ره‌وه‌ی ئێران دووشه‌مه‌ شه‌و په‌یامێکی بڵاو کرده‌وه‌ که‌ ئاماژه‌ی دابوو ده‌ستی له‌ کارکێشاوه‌ته‌وه‌.

له‌م په‌یامه‌دا هاتووه‌: پیرۆزبایی ڕۆژی له‌ دایک بوونی حه‌زره‌تی فاتمه‌ و ڕۆژی پیرۆزی دایکان و ژنان ده‌که‌م، سپاسی پشتیوانی خه‌ڵکی ئێرانیش له‌ 67 مانگی ڕابردوودا ده‌که‌م.

داوای لێبوردن ده‌که‌م که‌ ناتوانم له‌م خزمه‌ته‌م به‌رده‌وام بم و گه‌ر که‌م و کۆڕیه‌ک بووه‌ بمبورن.

News Code 25238

نیشانەکان

بۆچوونی ئێوە

You are replying to: .
  • 3 + 14 =