سوپای عێراق ۱۸۰ داعشی دیکه‌ی لە هێزه‌ کوردییه‌کانی سووریا وه‌رگرت

ئه‌فسه‌رێکی عێراقی ڕایگه‌یاند که‌ هێزه‌کانی ئه‌م وڵاته‌ بۆ دووهه‌مین جار له‌ چه‌ند ڕۆژی ڕابردوو ۱۸۰ تیرۆریستی داعشیان له‌ هێزه‌ کوردییه‌کانی سووریا وه‌رگرتووه‌.

به‌ ڕاپۆرتی ئاژانسی مێهر له‌ ئه‌لعه‌هد، محه‌مه‌د ده‌لیمی له‌ فه‌رمانده‌کانی سوپای عێراق له‌ پارێزگای ئه‌نبار وتی: ۱۸۰ شارۆمه‌ندی دیکه‌ی عێراق که‌ ئه‌ندامی گرووپی تیرۆریستی داعش بوون له‌ لایه‌ن هێزه‌ کوردییه‌کانی سووریا ڕاده‌ستی عێراق کراونه‌ته‌وه‌.

ئه‌و زیادی کرد: ئه‌م هێزانه‌ ئه‌م ۱۸۰ داعشییه‌یان له‌ بنکه‌یه‌کی سه‌بازی له‌ باکووری شاری قائیمه‌وه‌ ڕاده‌ستی هێزه‌ عێراقییه‌کان کردووه‌.

ده‌لیمی هه‌روه‌ها وتی: ئه‌مه‌ دووهه‌مین کاروانی ئه‌ندامانی گرووپی تیرۆریستی داعشه‌ که‌ له‌ میانه‌ی چه‌ند ڕۆژی ڕابردوو ڕاده‌ستی هێزه‌ عێراقییه‌کان کراوه‌ و به‌ پێی یاساکانی عێراقیش دادگایی ده‌کرێن.

شایانی باسه‌ که‌ هێزه‌ کوردییه‌کانی سووریا له‌ میانه‌ی چه‌ند ڕۆژی ڕابردوو به‌ سه‌دان داعشیان ڕاده‌ستی هێزه‌ عێراقییه‌کان کرد و داعشییه‌کان له‌ ناوچه‌ی باغۆزی سووریا به‌ ته‌واوی گه‌ماڕۆ دراون.

News Code 25208

نیشانەکان

بۆچوونی ئێوە

You are replying to: .
  • 1 + 4 =