پرسی مووشه‌کی ئێران قابیلی دانوستان نییه‌

سه‌رۆکی ڕێکخراوی وزه‌ی ناڤۆکی ئێران جه‌ختی کرد که‌ سیستمی مووشه‌کی ئێران قابیلی دانوستان کردن نییه‌.

به ڕاپۆرتی ئاژانسی مێهر له‌ ئه‌لجه‌زیره‌، عه‌لی ئه‌کبه‌ر ساڵحی، سه‌رۆکی ڕێکخراوی ناڤۆکی ئێران وتی: سیستمی مووشه‌کی ئێران قابیلی دانوستان کردن نییه‌. کۆنفڕانسی وه‌رشۆ هیچ گرنگییه‌کی لای ئێمه‌ نییه‌ و کۆبوونه‌وه‌یه‌کی شکست خواردوو بوو.

ئه‌و زیادی کرد: له‌م کۆنفڕانسه‌ ئه‌وان به‌ هیچ ئه‌نجامێکی دیاریکراو نه‌گه‌یشتن و ئه‌مه‌ش گه‌وره‌ترین شكست بۆ ئه‌مریکا و زایۆنییه‌کان بوو. خه‌ڵکی عه‌ره‌ب به‌ گشتی باش له‌ بابه‌ته‌کان تێده‌گه‌ن و ده‌زانین که‌ ئێران بۆچی ڕاستبێژانه‌ له‌ پرسه‌ گرنگه‌کانی جیهانی ئیسلام و فه‌له‌ستین پشتیوانی ده‌کات.

ساڵحی سه‌بارەت به‌ هاوڕێی بڕێک له‌ وڵاتانی عه‌ره‌ب له‌گه‌ڵ ئیسڕائیل وتی: هه‌ر جۆره‌ هه‌وڵدانێک بۆ ساز کردنی په‌یوه‌ندی له‌گه‌ڵ تێلاڤیڤ ده‌بێته‌ هۆی شه‌رمه‌زار بوونی به‌رپرسانی عه‌ره‌ب. 

ئه‌و سه‌باره‌ت به‌ توانی ئێران بۆ په‌ڕانه‌وه‌ له‌ گه‌ماڕۆکان جەختی کرد: ڕاسته‌ ئێمه‌ کێشه‌ی ئابووریمان هه‌یه‌ به‌ڵام ئێران سه‌ربه‌خۆیی ئابووری و پیشه‌یی هه‌یه‌ و ده‌توانێت له‌م کێشانه‌ تێپه‌ڕێت. ئێمه‌ له‌ بواری بازه‌رگانی له‌م ۴۰ ساڵه‌ ئه‌زمونی زۆرمان به‌ ده‌ست هێناوه‌ و گه‌ماڕۆکان به‌رده‌وام ئێرانیان به‌هێزتر کردووه‌.

سه‌رۆکی ڕێکخراوی ناڤۆکی ئێران وتی: له‌ ۴۰مین ساڵوه‌گه‌ڕی شۆڕشی ئیسلامی خه‌ڵکی ئێران به‌ ملیۆنان که‌س به‌شداری خۆپیشاندانیان کرد و ئێران خۆی ڕاده‌ستی لایه‌نی بیانی ناکات. ئێمه‌ له‌ لایه‌نی ئه‌ورووپایی داوا ده‌که‌ین که‌ پێبه‌ند بێت به‌ به‌رجام و هه‌نگاوی یه‌که‌میان هه‌ڵگرتووه‌ و هیوادارین له‌ داهاتوودا هه‌نگاوی زیاتر هه‌ڵبگرن.

ئه‌و سه‌باره‌ت به‌ سووریا ڕایگەیاند: ئێران له‌ سه‌ر داوای دیمەسق له‌ سووریا شه‌ڕی تیرۆریسته‌کانی کردووه‌ و یارمه‌تی خه‌ڵکی سووریا ده‌دات. ئێران له‌ خۆڕا نه‌چووه‌ته‌ سووریا، دوای ئه‌م هه‌موو ساڵه‌ش ڕوون بوویه‌وه‌ که‌ کێ ڕاسته‌، ئێسته‌ خه‌ڵکی سووریا به‌ باشی ئاگایان له‌ دۆخه‌که‌ هه‌یه‌.

هه‌روه‌ها ساڵحی وتی: له‌ عێراقیش له‌ سه‌ر داوای ده‌وڵه‌تی ئه‌م وڵاته‌ چووینه‌ ئه‌وێ چون ئه‌وان بۆ ده‌ر کردنی تیرۆریسته‌کان داوای یارمه‌تیان له‌ ئێران کرد و ته‌نانه‌ت به‌حره‌ین داوای له‌ ئێمه‌ کرد که‌ له‌گه‌ڵ خه‌ڵکی خۆپیشانده‌ر گفتوگۆ بکه‌ین. ئێمه‌ ته‌نیا چاکه‌مان بۆ وڵاتانی که‌نداوی فارس ده‌وێت، به‌ڵام ئه‌وان جۆرێکی دیکه‌ ده‌ڕوانن، سه‌رۆک کۆماری ئێران و وه‌زیری ده‌ره‌وه‌ ده‌یان جار وتوویانه‌ ئاماده‌ی دانوستان له‌گه‌ڵ عه‌ره‌بستانن. ئێران هیچ چاوی له‌ خاک و سامانی عه‌ره‌بستان نییه‌. ئێمه‌ ته‌نیا ئارامی و ئه‌منیه‌تمان بۆ هه‌موو وڵاتانی ناوچه‌که‌ گه‌ره‌که‌. ئه‌مه‌ش ڕێکاری ستراتیژیکی ئێمه‌یه‌.

News Code 25170

نیشانەکان

بۆچوونی ئێوە

You are replying to: .
  • 4 + 8 =