گرووپه‌ تیرۆریستییه‌کانی سه‌ر به‌ ئه‌مریکا به‌رپرسن له‌ هێرشه‌ی تیرۆریستییه‌کانی ئێران

حزبۆڵای لوبنان به‌ بڵاو کردنه‌وه‌ی ڕاگه‌یه‌ندراوێک ڕووداوه‌ تیرۆریستییه‌که‌ی ڕۆژی چوارشه‌مه‌ له‌ سیستان و به‌لوچستانی ئێرانی به‌ تووندی ئیدانه‌ کرد.

به ڕاپۆرتی ئاژانسی مێهر له‌ ئه‌لمه‌نار، حزبۆڵای لوبنان به‌ بڵاو کردنه‌وه‌ی ڕاگه‌یه‌ندراوێک ڕووداوه‌ تیرۆریستییه‌که‌ی ڕۆژی چوارشه‌مه‌ له‌ سیستان و به‌لوچستانی ئێرانی به‌ تووندی ئیدانه‌ کرد.

به‌ پێی ئه‌م ڕاپۆرته‌، حزبۆڵای لوبنان ئاماژه‌ی دا که‌ گرووپه‌ تیرۆریستییه‌کانی سه‌ر به‌ ئه‌مریکا به‌رپرسن له‌ هێرشه‌ی تیرۆریستییه‌کانی ئێران.

هه‌روه‌ها هاتووه‌: گرووپه‌ تیرۆریستییه‌کان که‌ تووڕه‌ن له‌ به‌شداری خه‌ڵک له‌ خۆپیشاندانی ۲۲ی ڕێبه‌ندان ئه‌م هێرشه‌ تیرۆریستییه‌یان به‌ فه‌رمانی ئه‌مریکا ئه‌نجام داوه‌.

له‌ درێژه‌دا ئاماژه‌ کراوه‌: هاوکات بوونی ئه‌م هێرشه‌ له‌گه‌ڵ کۆبوونه‌وه‌ی دژ به‌ ئێران له‌ وه‌رشۆی پۆله‌ندا که‌ ئه‌مریکا ڕێبه‌ری سه‌کات، نیشان ده‌دات که‌ واشنتۆن و گرووپه‌ تیرۆریستییه‌کان ته‌واو پێکه‌وه‌ هه‌ماهه‌نگن.

حزبۆڵا له‌ کۆتایدا نووسی: ئه‌م جۆره‌ هێرشه‌ کوێر و تیرۆریستیانه‌ نه‌ک خه‌ڵک ئێران ناترسێنێت که‌ ئه‌وان زیاتر هان ده‌دات تاکوو په‌ره‌ به‌ شۆڕشی ئیسلامی بده‌ن و پشتیوانی له‌ سته‌ملێکراوانی جیهان بکه‌ن.

شایانی باسه‌ که‌ له‌ هێرشه‌ تیرۆریستییه‌که‌ی دوێنێ له‌ خاش ۲۷ که‌س شه‌هید بوون و ۱۳ که‌سی دیکه‌ش بریندار بوون. گرووپی تیرۆریستی ناسراو به‌ جه‌یشول عه‌دڵ به‌رپرسیاریه‌تی ئه‌م ‌هێرشه‌ی له‌ ئه‌ستۆ گرتووه‌.

News Code 25009

نیشانەکان

بۆچوونی ئێوە

You are replying to: .
  • 5 + 2 =